Aquí vos deixamos un vídeo con distintos momentos da produción de Ranilda. Desculpade os problemiñas técnicos que fixeron que nalgúns momentos no se escoite todo o ben que desexamos, e non vos perdades os últimos minutos coa dobraxe das voces.
MAKING OFF corto RANILDA from Leo de A Lama on Vimeo.
Agardamos que vos pareza interesante.
Un saúdo, lémonos,
LEO
Como ben sabedes algúns, o CEIP “A Lama” leva participando 3 anos no concurso “Nós tamén creamos”, que convoca a Secretaría Xeral de Política Lingüística e a Dirección Xeral de Educación, Formación Profesional e Innovación Educativa, en colaboración coa CRTVG e OQO editora.
Este ano, por uns e outros motivos, non demos chegado para presentar o noso traballo no prazo establecido. Pero como o importante é facelo... aí vos vai.
RANILDA HD from CEIP A LAMA on Vimeo.
Agardamos que vos guste.
Un saúdo, lémonos,
LEO
A curta de animación “A Escaleira” faise co Premio Olloboi Fotoxénico (o máis estético, con mellor imaxe, fotografía, efectos, o máis bonito de ver, con máis estilo, con máis arte, o máis visual) na edición 2014 do Concurso Galego de Audiovisual non profesional.
O venres 23 tivo lugar en Boiro a gala que foi presentada pola actriz Mónica García, na que ademais “A Escaleira” optaba como finalista aos premios Olloboi DJ (mellor banda sonora) e Olloboi Zamburrioi (mellor traballo).
 |  |  |
Os premiados foron:
Olloboi Online – Socas App – CPI Eusebio Lorenzo Baleirón
Olloboi Cómico – Moaña summit 2013 (O pato) - IES As Barxas
Olloboi Peleón – DesPrestige, DesEducAcción – IES A Cachada
Olloboi Fotoxénico – A Escaleira - CEIP A Lama
Olloboi DJ – Socas App – CPI Eusebio Lorenzo Baleirón
Olloboi Orixinal – A Muller Lamprea – IES As Barxas
Olloboi Escola – Alicia - IES As Barxas
Olloboi Zamburrioi – Música Doméstica
(Podedes ver máis fotos da entrega de premios na seguinte galería de imaxes)
Un saúdo, lémonos,
LEO
Ola rapaces!
Como xa vos tiñamos informado con anterioridade, o último día do pasado curso 2012/2013 chegounos unha moi boa nova. Os alumnos de 1º de Primaria da nosa escola gañaran o II Concurso de Curtas de Animación, “Nós tamén creamos” (categoría de 1º ciclo de primaria), coa produción “A Escaleira”.
Este concurso ven sendo promovido pola Secretaría Xeral de Política Lingüística e a Dirección Xeral de Educación, Formación Profesional e Innovación Educativa en colaboración coa Compañía de Radio-Televisión de Galicia e con OQOeditora.
Os protagonistas, os actores de dobraxe, os produtores, os guionistas, os escenógrafos.... fomos aló!
 |  |
 |  |
 |  |
Despois dunhas breves palabras para introducir o acto, comezou a quenda para os premiados, aos que lles queremos transmitir os nosos parabéns!
Non quixemos deixar pasar a oportunidade de achegar a nosa curta a tódolos presentes, que se viron sorprendidos polo noso “Avoíño” que con moita ledicia lla entregou ao Sr. Conselleiro, que presidía o acto.
Aquí vos deixamos outras instantáneas dos centros premiados. Tendes que desculpar porque se nos esqueceu anotar a que cole corresponde cada unha, pero son os seguintes:
PREMIO PARA O ALUMNADO DO SEGUNDO CICLO DE EDUCACION INFANTIL
A escaleira, CEIP Víctor López Seoane, A Coruña
PREMIO PARA O ALUMNADO DO SEGUNDO CICLO DE EDUCACION PRIMARIA
Premio outorgado ex aequo a:
Troco, CEIP de Merza, Vila de Cruces, Pontevedra.
Ernesto Bo Día, CEIP de Leirado, Salvaterra de Miño, Pontevedra
Mencións especiais:
A noite das mudanzas, CEIP Bergantiños, Carballo, A Coruña. Pola expresividade e espontaneidade lingüística e mais pola composición estética.
Pilú Pilú, CEIP Plurilingüe San Xoán de Filgueira, Ferrol, A Coruña. Pola adaptación musical e a orixinalidade plástica.
A escaleira, CPI Cabo da Area, Laxe, A Coruña. Pola adaptación da obra orixinal.
Ernesto Bo Día, CEE Vilagarcía de Arousa, Vilagarcía de Arousa, Pontevedra. Pola calidade plástica e estética.
 |  |
 |  |
 |  |
Un saudiño a todos, lémonos,
LEO
Que tal foron esas vacacións? A verdade é que as mereciades ben.
O último día do curso pasado recibimos a nova de que os alumnos de 1º de primaria gañaran o concurso de curtas de animación: “Nós tamén creamos”.
 |  |
O conto adaptado…: “A Escaleira”, de Beatriz Montero e Raul Nieto Guridi.
Os nosos parabéns para estes nenos e profes que con tanta ilusión traballaron.
Un saúdo, lémonos,
LEO
Unha das particularidades das nosas curtas (“A Vella Lulula” e “A Escaleira”) é que a música da banda sonora procurámola entre os membros da nosa comunidade educativa.
Se o ano pasado fora Maktúbikan, este ano a música ven da man de Güintervan, xa que Isaac, un dos membros, é o pai de Iker, alumno do noso cole.
Os seus compoñentes son:
 |  |
| Isaac | Gulín |
 |  |
| Harry | Roi Alexandre |
Para a “Premier” oficial organizamos un concerto na escola que fixo as delicias dos nosos cativos.
Velaí van unhas fotiños.
Entre outras pezas, puidemos gozar das incluídas na curta: “Palabras a voar” e “Amar de leite”, do seu anterior traballo Mundo Loco.
En abril presentaron o seu último disco “Psicopano”.
Unha aperta moi forte para eles, e moitas grazas polo agasallo.
Saúdos a todos. Lémonos,
LEO
Velaí vai a nosa proposta! Por fin, logo dun intenso traballo, xa temos rematada a nosa curta. O título escollido: “A Escaleira”, de Beatriz Montero e Raul Nieto Guridi.
Se tedes boa conexión activade o HD, que está subido con moita resolución!
A ESCALEIRA from CEIP A LAMA on Vimeo.
Agardamos que vos guste. Un saudiño.
Lémonos,
LEO
PD: Andade atentos, porque iremos contando algunha cousiña máis de como se foi desenvolvendo o traballo. A próxima entrega: Concerto de Güintervan! Grupo do pai do noso alumno Iker que nos prestaron a música.
| Xa comezamos! Onte recibimos a visita dos representantes da editorial OQO, que nos achegaron a selección de títulos proposta para este ano. O concurso é unha iniciativa conxunta da editorial OQO e a Secretaría Xeral de Política Lingüística, e conta coa colaboración da CRTVG. Neste momento o equipo creativo está debatindo que título adaptará este ano. |  |
 |  |
O curso pasado foi “A Vella Lulula”, que deixou un moi bo sabor de boca entre o noso alumnado e as familias.
A nosa ilusión está posta en sorprendervos. Agardamos poder facelo!
Un saúdo, lémonos,
LEO
