Unha das partes máis apaixoantes do PDI é a fase de presentación. Aí podemos ver como o noso alumnado medra e grazas á emoción supérase e consegue amosar todo o seu coñecemento.
Amosando publicacións coa etiqueta Laboratorio Creativo de Aprendizaxes. Amosar todas as publicacións
Amosando publicacións coa etiqueta Laboratorio Creativo de Aprendizaxes. Amosar todas as publicacións
luns, 14 de xullo de 2025
domingo, 13 de xullo de 2025
MÁIS MATERIAIS!!! - UN MAR DE CIENCIA
Aquí vos deixamos o segundo dos libros elaborados polos nenos e nenas de Educación Infantil. Un Mar de Ciencia. Menuda investigación! Parabéns polo esforzo rapaces.
EXPLICÁMOLO CIENTIFICAMENTE? - EXTRAER SAL DO MAR
Terceira entrega dos vídeos elaborados con experimentos científicos relacionados co medio mariño. Estes pequenos teñen moitas táboas diante da cámara!
EMPLICÁMOLO CIENTIFICAMENTE? - SEGUIMOS EXPERIMENTANDO
Velaí vai o segundo dos experimentos que gravamos. Que pasa cando se xunta auga doce e auga salgada?
domingo, 25 de febreiro de 2024
ITINERARIO MATEMÁTICO
No día de onte tivemos a grandísima sorte de poder participar nunha actividade de formación con Rosana Pazos e Víctor Lorán, @matefactoría.
Un luxo poder coñecer, nun encontro de mañá e tarde, a súa grandísima experiencia no ámbito do ensino das matemáticas.
Esta formación está enmarcada dentro do noso Plan de Formación Permanente do Profesorado. Con ela pretendemos facer unha profunda reflexión sobre o modelo a seguir para o ensino das matemáticas e poder elaborar un itinerario que teña en conta todo o proceso evolutivo do alumnado, dende 4º de educación infantil ate 6º de primaria.
Queremos facer especial mención ao claustro e profesorado convidado, polo seu compromiso e vocación docente, sacrificando o seu tempo persoal nunha maratoniana xornada de sábado.
Agardamos que os froitos destas xornadas de formación se poidan ir visualizando pronto, e que o vindeiro curso xa poidamos aplicar un plan ben secuenciado en tódolos niveis educativos da nosa escola.
sábado, 15 de xullo de 2023
FASE DE PRESENTACIÓN DO PDI
Velaí vai un vídeo que quere ser unha pequena mostra da última fase do noso Proxecto Documental, a de presentación do aprendido.
O PDI 2023 foi recoñecido no IX Concurso de Traballo por Proxectos na categoría de Proxectos Documentais Integrados, coordinados desde a biblioteca escolar.
Trátase de pequenas pinceladas de cada un dos ciclos.
PRESENTACION_PDI_2023 from O Recanto de Leo on Vimeo.
sábado, 1 de xullo de 2023
A LAMA SPRING SHOW - I FEIRA DE EXHIBICIÓN
O 12 de xuño celebrouse na escola a I Feira de Exhibición do traballo de Alfabetización Mediática e Informacional desenvolvido durante o curso.
"A Lama Spring Show", fixo as delicias de pequenos e maiores... pensándoo ben, máis de maiores; que se puxeron as botas no show cooking "Sabores do Mundo" preparado polo alumnado de 2º ciclo.
"Da horta ao prato" foi a presentación do PDI do alumnado de Educación Infantil e desenvolveuse na sala central da Biblioteca.
Os de 3º ciclo prepararon unha demostración de tódolos recursos da nosa Biblioteca Creativa e Radio na Biblio, ademais do programa Edixgal e recursos de Polos Creativos. Esta parte desenvolveuse nos Laboratorios da Comunicación, Creativo e de Radio da Biblioteca.
E os de 1º ciclo fixeron a súa presentación do PDI "Entre Costuras", no escenario do Salón de Actos. Todo un repaso pola historia da moda e a súa pegada no medio ambiente.
Tamén tivemos unha gran sorpresa: visitounos "A Vella Lulula", un pouco máis maiorciña, pois xa pasaron máis de 10 anos dende a súa gravación.
sábado, 24 de xuño de 2023
CON+CIENCIA
Esta actividade que se desenvolveu durante o noso Proxecto tivo por obxectivo que o alumnado coñecese as características e propiedades da auga a través da observación, a experimentación e a manipulación.
Cada equipo tivo que preparar un pequeno experimento baseándose no método científico para despois presentarllo ao alumnado de Educación Infantil do centro.
Os experimentos escollidos foron: Pementa fuxitiva, A auga que non cae, Néboa nun vaso, Cóctel de cores, Fonte de auga e Debuxos animados con auga.
CON+CIENCIA from O Recanto de Leo on Vimeo.
venres, 23 de xuño de 2023
O AIRE
O alumnado de 2º ciclo nos deixa outra entrega en vídeo, dos materias que elaboraron durante o desenvolvemento do PDI 2023 "O teu consumo deixa pegada".
O AIRE from O Recanto de Leo on Vimeo.
mércores, 8 de marzo de 2023
8 DE MARZO - DÍA DA MULLER NA BIBLIOTECA
Hoxe tivemos unha xornada especial. Para conmemorar o Día Internacional da Muller tiveron lugar na biblioteca 3 obradoiros promovidos polo CIM do Concello da Lama.
domingo, 20 de novembro de 2022
QUE É ALFIN? QUE É AMI?
Unha das funcións máis importantes do Equipo de Biblioteca é a formación dos seus usuarios. E si, o profesorado tamén ten que formarse no emprego de cada un dos seus recursos, espazos e finalidades.
Refundimos un par de presentacións para aportar unhas pinceladas que pretendemos que axuden a aclarar as ideas...
É obvio que certas normas poden variar dun centro a outro, pois as particularidades de cada un traerán distintas necesidades. O innegable é que o equipo debe promover estas entre os distintos usuarios para que todo o traballo no se vaia pola borda.
Nós temos varios sesións de formación do profesorado ao longo do curso, nas reunións de coordinación pedagóxica que facemos de 9:00 a 10:00, antes do comezo das aulas. Ademais, dedicamos unha das liñas do PFPP a temáticas relacionadas coa Biblioteca e a súa Dinamización.
Subscribirse a:
Publicacións (Atom)