PDI "UN MAR DE CIENCIA" - FASE DE PRESENTACIÓN

Unha das partes máis apaixoantes do PDI é a fase de presentación. Aí podemos ver como o noso alumnado medra e grazas á emoción supérase e consegue amosar todo o seu coñecemento.

MÁIS MATERIAIS!!! - UN MAR DE CIENCIA

Aquí vos deixamos o segundo dos libros elaborados polos nenos e nenas de Educación Infantil. Un Mar de Ciencia. Menuda investigación! Parabéns polo esforzo rapaces.

EXPLICÁMOLO CIENTIFICAMENTE? - EXTRAER SAL DO MAR

Terceira entrega dos vídeos elaborados con experimentos científicos relacionados co medio mariño. Estes pequenos teñen moitas táboas diante da cámara!

PDI "UN MAR DE CIENCIA" - INMERSIÓN

Vos deixamos agora o primeiro dos libros que elaboraron os pequenos de infantil. Un intenso paseo por toda a fauna abisal que tanto lles impresionou. Cada un levou para casa o seu exemplar, e coma sempre, gardamos un elaborado de xeito colaborativo na nosa Biblioteca.

EMPLICÁMOLO CIENTIFICAMENTE? - SEGUIMOS EXPERIMENTANDO

Velaí vai o segundo dos experimentos que gravamos. Que pasa cando se xunta auga doce e auga salgada?

PDI "UN MAR DE CIENCIA" - 3ª Fase: Exposición do Aprendido

Para esta última fase, a de "Exposición do Aprendido", tivemos que facer moitos preparativos e ensaios. Máis adiante poderás ver un pequeno resumo da exposición realizada para os compañeiros con todos os materiais.

PDI "UN MAR DE CIENCIA" - 2ª Fase: Procura e Tratamento da Información

Nas imaxes deste outro vídeo poderás ver distintos momentos da fase de procura e tratamento da información do PDI "Un Mar de Ciencia", do alumnado de Educación Infantil.

PDI "UN MAR DE CIENCIA" - 1ª Fase: Motivación

Como en tódolos Proxectos Documentais Integrados que facemos, hai un proceso no que desenvolvemos unha serie de fases. Deixamos no blog unha serie de vídeos con fotografías que ilustran cada unha delas. Neste caso a 1ª Fase: Motivación.

EXPLICÁMOLO CIENTIFICAMENTE? - PDI "UN MAR DE CIENCIA"

O alumnado de Educación Infantil desenvolveu o seu PDI "Un Mar de Ciencia" tentando de dar resposta a moitas incógnitas que se lles presentraron. Puxémonos mans á obra, e nos espazos de creación audiovisual da Biblioteca organizamos un plató para gravar unha serie de experimentos coa pretensión de explicalo dende a ciencia.

PRESENTACIONS PDI 2025 - 2º CICLO

O 18 de xuño foi o turno do alumnado de 2º ciclo, que preparou tres ambientes na biblioteca para a presentación do seu PDI "A Ciencia e os Inventos". Clica na imaxe para poder ver unha pequena reportaxe do que nos presentaron. Os vídeos están en proceso de edición nestes intres e agardamos poder subilos pronto. 

SABELA GAGO - BIBLIOTECA CREATIVA

O pasado 29 de maio tivemos o inmenso pracer de contar na nosa biblioteca coa presenza da actriz, mestra e pedagoga Sabela Gago.

A súa traxectoria é extensa: Sarabela Teatro, MITEU, TVG...

Foi unha xornada maravillosa arredor do teatro e a lectura para o alumnado de Educación Infantil, enmarcada no programa Biblioteca Creativa.

DÍA DO LIBRO - II Encontro "Letras na Praza"

O pasado 23 de abril celebrouse no CEIP de Carballedo o II Encontro "Letras na Praza", iniciativa que nacera no CEIP A Lama no curso anterior e que pretende ser unha xornada de convivencia entre os centros da contorna para festexar o Día do Libro.

O relevo tomouno de forma marabillosa a comunidade educativa do centro antes mencionado e reuniu a máis de 350 alumnos dos colexios de Carballedo, A Lama, Fornelos de Montes, Tenorio e Cerdedo.

A animación musical correu a cargo de "Migallas" que fixeron as delicias de todos repasando os seus mellores éxitos.

Clicando na foto poderás ver máis instantáneas da xornada: momentos para a lectura, a creación, a convivencia... Xa estamos agardando a próxima edición!!!

O CLUB DE LECTURA VIAXA A ALLARIZ

O pasado 22 de abril, víspera do Día do Libro, os membros do club de lectura desprazáronse á vila ourensá de Allariz para visitar "Aira Editorial" e a libraría "Aira das Letras", enbarcada no mesmo proxecto. Aquí vos deixamos unhas instantáneas que dan testemuña do roteiro. Os rapaces quedaron encantados e foi unha experiencia única para moitos deles.

II ENCONTRO "LETRAS NA PRAZA"

O vindeiro 23 de abril celebrarase o II Encontro "Letras na Praza", que nesta ocasión reunirá aos colexios: CEIP de Carballedo (que actúa como anfitrión), CEIP A Lama, CEIP Doutor Suárez, CEIP de Tenorio e CEIP San Xoan Bautista.

Trátase da segunda edición dunha actividade que pretende festexar o Día do Libro tecendo redes entre os centros da zona. Letras na Praza naceu o curso pasado na Lama e, como foi pretensión dende o seu inicio, adquire o carácter de itinerante, para achegar a lectura a todos os concellos e vilas da comarca.

CLUB DE LECTURA - O DESTINO DE KAMEKO

Xa está con nós o segundo título do Club de Lectura deste ano: O destino de Kameko. Nesta ocasión lles demos a oportunidade de escoller o xénero literario e a nosa proposta de banda deseñada foi este título ilustrado por Jorge Campos e que tamén acredita Abel Alvés.

HEROES E HEROAS

Hoxe puidemos gozar na biblioteca dunha actividade en prol da igualdade, tamén incluída no programa +Escénicas da Deputación de Pontevedra. A actriz Manuela Varela fai promoción da igualdade entre as persoas a través da dramatización de dous contos.

Esta actividade volve a ser unha colaboración entre o CEIP A Lama e a Axencia Municipal de Lectura.

GREENPEACE NA NOSA BIBLIOTECA

O PDI xa botou a andar hai semanas, e os de infantil non perden o tempo.

Como a súa investigación vai do mar: "A Oceanografía", o xoves mantiveron un encontro moi especial cunhas representantes de Greenpeace que lles achegaron todas as problemáticas que se asoman aos nosos mares e océanos e cal é a pegada que o ser humano está deixando nos ecosistemas mariños.

(Clica na imaxe se queres ver outras)

Quedaron moi sensibilizados e xa teñen moitos datos para seguir coa súa investigación.

MÁIS SAAAABOR!

Grazas ao programa +Escénicas, da Deputación de Pontevedra, e en colaboración coa Axencia Municipal de Lectura puidemos achegar o teatro aos nosos pequenos. Menudo luxo a obra "Máis saaaabor!": música, interpretación, show cooking...

(Clica na imaxe se queres ver outras)

No curso no que o lema é "Biblioteca Escolar, a escena", o CEIP A Lama compensa as desigualdades do mundo rural co único escenario que existe en todo o Concello.