QUERES UN CONTO?

O 15 de outubro a biblioteca do cole da Lama converteuse nun plató de televisión para gravar uns capítulos do programa da TVG "Queres un conto?". Grazas a Quique e Carlos (Polo Correo do Vento) por achegar esta oportunidade á nosa escola.

   

(Clica na imaxe se queres ver outras)

No seguinte enlace tes acceso a tódolos capítulos que xa están subidos na Web do Xabarín Club:

https://www.xabarin.gal/videos/category/25594-queres-un-conto

OS ESCORNABOTS VIAXARON Á AULA

Unha das iniciativas que quixemos probar este curso foi a de levar os escornabots dende a biblioteca ás aulas.

Preparamos unha caixa cos tableiros e outros recursos.

No seguinte vídeo podedes ver a chegada a 1º e 2º de primaria.

ESCORNABOTS from Leo de A Lama on Vimeo.

Resultou como agardabamos! Lémonos,
LEO

ECOVIDEO–COIDA O MEDIO AMBIENTE

O alumnado de  6º de primaria produciu, dentro do proxecto Voz Natura e para participar no concurso Ecopreguntoiro de Radio Voz, este audiovisual que toca diversos aspectos da concienciación medioambiental.

ECOVIDEO CEIP A LAMA from Leo de A Lama on Vimeo.

Eles mesmos pasaron polas diversas fases da creación, dende escribir o guión ate interpretar aos seus protagonistas, nun proceso desenvolvido no  obradoiro de Iniciación á Linguaxe Audiovisual.

Agardamos que vos pareza de interese, lémonos,
LEO

“A RUTA DOS ARRIEIROS” – PDI

Vos presentamos as primeiras creacións que resultaron do PDI “Protexe o patrimonio etnográfico”.

Nesta ocasión unha curta de ficción sobre a Ruta do Arrieiros.

O alumnado de 3º e 4º de primaria adaptan o cómic "Pepiño o Arrieiro" de Pablo Rodríguez Oitabén. Agardamos que vos guste.

Lémonos,
LEO

VISITAMOS RADIO VOZ – PROXECTO RADIO NA BIBLIO

O pasado 27 de febreiro tivemos unha saída moi especial, que enmarcamos dentro das actividades de formación do Proxecto Radio na Biblio.

Aproveitando a gravación do programa Ecopreguntoiro puidemos gozar das explicacións da locutora Esther López, de Radio Voz.

VISITAMOS RADIO VOZ from Leo de A Lama on Vimeo.

Con ela recorremos as instalacións da redacción da Voz de Galicia en Vigo e visitamos os estudos.

Vos deixamos un avance neste vídeo. Máis adiante vos colgaremos na nova canle en ivoox o podcast da entrevista que lle fixeron.

Un saúdo, lémonos,
LEO

RADIO NA BIBLIO – PRIMEIROS PASOS

Aquí vos deixamos o primeiro vídeo do desenvolvemento do proxecto Radio na Biblio.

RADIO NA BIBLIO from Leo de A Lama on Vimeo.

Trátase da presentación dos materiais técnicos, a súa montaxe e primeiras probas.

Un saúdo, lémonos,
LEO

FIN DE SEMANA DE CONCURSOS

Esta fin de semana tiveron lugar as entregas de premios do Festival Audiovisual Olloboi e o concurso de Espantallos organizado pola Asociación Cultural Río Barbeira.

O venres en Boiro, os rapaces da Lama quedaron finalistas coa curta “Roubo no galiñeiro”.

Na nosa categoría, resultaron gañadores os compañeiros do CEIP Carballal, de Marín. Parabéns polo seu traballo e merecido premio.

Por outra banda, o sábado coñecéronse os galardoados no concurso de espantallos que un ano máis volveu a organizar a Asociación Cultural Río Barbeira.

A Comunidade Educativa saíu premiada, neste caso a través da ANPA, que gañaron na modalidade en que participaban, e co espantallo elaborado polo alumnado de 5ºe 6º, que quedaron 2º na categoría de centros educativos.

Parabéns a todos polos resultados.

Un saudiño, lémonos,
LEO

ROUBO NO GALIÑEIRO

Presentámosvos unha das últimas creacións dos alumnos do CEIP A Lama: a curta realizada polos nenos e nenas de 1º e 2º de primaria, como colofón do PDI “Especies en equilibrio”.

ROUBO NO GALIÑEIRO from CEIP A LAMA on Vimeo.

Trátase dunha adaptación audiovisual do álbum ilustrado “Ladrón de Gallinas” de Beatrice Rodriguez.

Este traballo foi seleccionado finalista no festival audiovisual galego “Olloboi”. O próximo venres, 9 de xuño entrega de premios en Boiro.

Parabéns a todos, e aos demais participantes. Lémonos,
LEO

O ALUMNADO DA LAMA SÚMASE AO MANNEQUIN CHALLENGE

Aí vos deixo dous vídeos elaborados polo alumnado de 5º e 6º coa mestra de inglés Araceli García, cos que se unen á moda do Mannequin Challenge.

Mannequin Challenge 5th grade. from Araceli García Fuentes on Vimeo.

Mannequin Challenge, 6th grade. from Araceli García Fuentes on Vimeo.

Xa estamos a preparar outras sorpresiñas, agardamos que vos gusten.

Un saudiño, lémonos,
LEO

ESCORNABOTS: APRENDENDO O MANEXO

Continuamos coa experiencia dos Escornabots.

ESCORNABOTS NA BIBLIOTECA from CEIP A LAMA on Vimeo.

Explorando as posibilidades de interacción. O voluntariado de 6º de primaria comezou a súa experimentación para poder trasladar logo a información aos usuarios da biblioteca.

DÍA DAS BIBLIOTECAS ESCOLARES

Ola moz@s!

Xa facía tempo que non vos escribía. A verdade é con este ano con tantos cambios non dabamos sacado tempo para vos contar o que se coce por aquí.

Pero agora si!!! Para conmemorar o Día das Bibliotecas Escolares arrancamos con forza. Velaí vai un vídeo que fixeron os voluntarios deste ano.

QUE É UNHA BIBLIOTECA PARA TI 2015 from CEIP A LAMA on Vimeo.

Un saudiño, lémonos,
LEO

CHEGAN OS SUPERPODERES DOS ALIMENTOS!!!

Durante a fase de procura e tratamento da información, o alumnado de Educación Infantil elaborou unha curta de animación en Stop Motion na que eles mesmos interpretaban ás personaxes creadas.

Investigando entre as verduras, legumes e froitas, e agrupándoas por cores, descubriron a antocianina, o betacaroteno, a alicina, o licopeno e a luteína.

OS SUPERPODERES DOS ALIMENTOS from Leo de A Lama on Vimeo.

As mestras Cristina Campos e Tania Rivas, xunto co mestre Rafa Sánchez-Agustino, firman esta creación audiovisual.

Agardamos que vos guste, lémonos,
LEO

TERCEIRA ENTREGA DAS PRESENTACIÓNS DO PDI

Desta volta o alumnado de 2º ciclo de primaria presenta o vídeo que elaboraron coas mestras: Andrea Lafuente, Marta Couso, Luisa Cancelas e Mónica Fernández.

Co título “Da semente ao prato” fai un percorrido polo traballo realizado durante meses por estes rapaces no desenvolvemento do seu PDI.

DA SEMENTE AO PRATO from CEIP A LAMA on Vimeo.

Agardamos que vos guste.

Un saúdo, lémonos,
LEO

CONTINÚAN AS PRESENTACIÓNS DO PDI

Hoxe tocoulles o turno ao alumnado de 3º ciclo.

Entre outras cousas que nos amosaron está este primeiro “Hortoconsello” que vos amosamos.

HORTOCONSELLO 1 from CEIP A LAMA on Vimeo.

Producen este proxecto audiovisual as mestras Ana Loureiro e Raquel Sánchez, no que o alumnado participou, ademais de como actores, en distintos apartados técnicos (son, axudante de dirección, claqueta, cámara…).

Un saúdo, lémonos,
LEO

COMEZAN AS PRESENTACIÓNS DO PDI!!!

Despois dun tempo de intenso traballo, (e un pouco ausentes) velaí van…

As creacións audiovisuais dos nosos cativos estanse a presentar nesta última fase do PDI: “Sementa ideas, recolle futuro!”.

Esta primeira entrega titulada “Ecoclínica”, e producida polas mestras Irian Blanco e Tere Couto, quere contar os efectos beneficiosos para o noso organismo que podemos atopar en hortalizas e legumes.

ECOCLÍNICA from CEIP A LAMA on Vimeo.

Agardamos que vos guste!!!

Un saúdo, lémonos,
LEO

SUPER PEPO E CLEMENTINA

Velaí vai unha segunda entrega do noso súper heroe favorito.

Super Pepo e Clementina from CEIP A LAMA on Vimeo.

Chega da man de María Luisa, delegada en Pontevedra da ONG “Mans Unidas”, coa que colaboramos este ano polo “Día Escolar pola non Violencia e a Paz”, e que está desenvolvendo un proxecto en Uganda para axudar a mellorar a economía familiar implantando a agricultura sostible.

Este segundo encontro tamén lles trouxo aos nosos cativos unha sorpresa moi especial. Os diplomas que lles foron outorgados pola súa colaboración: “A capa verde de Súper Pepo”.

Un saudiño, lémonos,
LEO

SUPER PEPO

A visita da Delegada de Mans Unidas en Pontevedra polo Día da Paz, deixounos estes debuxos animados cargados de valores que encantaron aos nosos cativos: “Super Pepo e o Xardín dos Desexos”

Super Pepo e o xardín dos desexos from CEIP A LAMA on Vimeo

A ver se vos gusta tamén a vós.

Lémonos,
LEO

FESTA DE INICIO DO PDI 2014_2015: “SEMENTA IDEAS, RECOLLE FUTURO”

Para dar comezo a este PDI “Sementa ideas, recolle futuro” pensamos que estaría ben preparar unha pequena xornada lúdica con distintos obradoiros.

Outra das conclusións ás que chegaramos os mestres, na Avaliación do noso Plan de Formación en Permanente do Profesorado (PFPP) 2014, era que debíamos facer máis cousas na rúa, achegando a Escola aos veciños da Lama, para que puideran ser testemuña das aprendizaxes dos nosos cativos.

O martes 21, logo de un aprazamento por mor do mal tempo, levamos estas iniciativas á Alameda do Concello. Aquí voz deixamos un vídeo en unhas fotografías da crónica do día.

PDI 2014 FESTA INICIO from CEIP A LAMA on Vimeo.

Os obradoiros foron 5: un de identificación de plantas polo aroma, un de música, un de modelaxe con Jumping Clay, outro de elaboración de figuras comestibles con froitas e outro de elaboración de lemas ecolóxicos.

Agardamos que vos parecera interesante.

Lémonos,
LEO

PARA FINALIZAR O PDI (e o curso…) EXCURSIÓN A PUNTA CARREIRÓN

O pasado mércores 11 de xuño fomos de excursión á Illa de Arousa, en concreto a Punta Carreirón, que forma parte do Parque Nacional Illas Atlánticas e do Complexo Intermareal Umia-O Grove.

Neste caso tratábase dunha actividade lúdico-festiva para pechar un ano intenso de traballo arredor dos Ríos e as Praias.

Deixámosvos un vídeo do momento principal da xornada: o paseo en Kayak!!!

EXCURSIÓN FINAL DO PDI "RÍOS E PRAIAS EN BOAS MANS" Á ILLA DE AROUSA (PONTEVEDRA) from CEIP A LAMA on Vimeo.

Algún mestre tivo que mollar os pés para coller os mellores planos.

Agardamos que vos guste.

Un saúdo, lémonos,
LEO

ENTREVISTANDO A… ANTONIO, O NOSO GARDA FORESTAL!

Dende hai moitos anos Antonio é un máis noso centro, sobre todo cando se trata de falar do medio ambiente.

Hoxe é o noso protagonista na biblioteca, xa que os nenos de segundo ciclo fixéronlle unha entrevista!

 

ENTREVISTA ANTONIO MEMBRIVES from CEIP A LAMA on Vimeo.

Grazas pola túa implicación con nós, grazas polo teu esforzo, grazas por ensinarnos tanto...

Lémonos. LEO.