luns, 15 de xullo de 2024

QUE PODEMOS FACER NÓS?

Este vídeo recolle parte das tarefas desenvolvidas polo alumnado de Educación Infantil durante o proceso de investigación do PDI_2014.

Os pequenos de infantil investigaron arredor das abellas, e a súa vital importancia para outras tantas especies.

domingo, 14 de xullo de 2024

OBRADOIRO DE CIANOTIPIA - ALOUETTE MACHINE

Dentro do programa Biblioteca Creativa tivemos o pracer de contar coa Imprenta Ambulante de Alouette Machine, do vecino concello de Cerdedo-Cotobade.

Puidemos aproveitar o obradoiro para a realización dunhas extraordinarias impresións coa técnica da cianotipia. Non vos perdades a explicación neste vídeo creado polos de 2º ciclo.

sábado, 13 de xullo de 2024

EN BUSCA DOS MAMÍFEROS DAS CONTORNA

Hoxe traemos este vídeo dos nenos e nenas de 1º ciclo, no que os podemos ver durante o desenvolvemento do seu PDI "En busca dos mamíferos da contorna".

EN BUSCA DOS MAMIFEROS DA CONTORNA from O Recanto de Leo on Vimeo.

venres, 12 de xullo de 2024

VISITAMOS A MISIÓN BIOLÓXICA DE GALICIA - CSIC

Unha das saídas que realizamos para procurar información foi a da Misión Biolóxica de Galicia, en Pontevedra. Esta institución dependente do CSIC conta cun impresionante reservorio de sementes de distintas especies de cultivo. Coa visita puidemos comprender a importancia da biodiversidade e o labor da ciencia na conservación da natureza.

Temos que agradecer á Misión Biolóxica as imaxes que nos prestaron para a creación deste vídeo

mércores, 19 de xuño de 2024

A LAMA SPRING SHOW - COMO FOI?

Velaí van unhas instantaneas tomadas durante as presentacións dos PDIs dente ano. Uns traballos cun nexo de unión entre todos eles: Proxecto Voz Natura. 

Minúsculas e imprescindibles: As Abellas, Unha ollada baixo as botas, En busca dos mamíferos da contorna e Plantas para a vida; estes son os títulos de cada unha das concrecións que fixemos sobre o tema principal: Un espazo para preservar as nosas especies.
(Fai clic na imaxe para poder ver unhas poucas máis)

mércores, 12 de xuño de 2024

II FEIRA DE EXHIBICIÓN - A LAMA SPRING SHOW


O vindeiro 17 de xuño celebrarase a 2ª edición da Feira de Exhibición dos PDIs deste curso 2023/2024.

Será unha xornada festiva na que o alumnado irá pasando polo escenario do salón de actos/comedor por ciclos, xa que como ben sabedes as fachadas da Biblioteca están en obras e aínda que nos gustaría non o podemos celebrar nese espazo.

Convidámosvos a pasar pola escola coa liberdade de asistir ás presentacións que queirades.

Procuraremos ser precisos nos horarios das presentacións, pero sede conscientes de que os materiais que prepararon son moitos e moi variados, e precisaremos un tempo de preparación entre cada unha delas.

venres, 31 de maio de 2024

VISITOUNOS... ANDREA GARCÍA

Onte tivemos o pracer de contar entre nós coa escritora Andrea García, autora de "Animais Fantásticos de Aldea", título escollido polo noso alumnado para o club de lectura creado este curso.

Ao finalizar a historia, e como peche do club, o xoves 30 de maio puidemos contar coa visita de Andrea para realizar un pequeno encontro co alumnado.

Nun ambiente privilexiado, puideron coñecela e escoitar de primeira man como foi o proceso de creación da historia, tanto a parte literaria como a parte máis artística. Ademais, agasallounos cun pequeno obradoiro de debuxo no que nos ensinou a debuxar algunhas das personaxes que podemos atopar ao longo da historia. E incluso dedicou un anaco de tempo a firmarnos os exemplares con dedicatorias incluídas.

venres, 24 de maio de 2024

POLO CORREO DO VENTO - LUÍSA VILLALTA

O 22 de maio puidemos gozar coa presenza, un ano máis, de "Polo Correo do Vento". Esta vez tocaba falar de Luísa Villalta, autora homenaxeada no Día das Letras Galegas 2024.

A actividade chegou da man da Deputación de Pontevedra, a través da solicitude que fixo o Concello da Lama.
(Fai clic na imaxe para poder ver unhas poucas máis)

luns, 6 de maio de 2024

II CONGRESO NACIONAL ESCOLA RURAL

O CEIP A Lama foi un dos centros galegos convidados á feira de centros do II Congreso Nacional de Escola Rural celebrado en Ribadavia o pasado 3 de maio. 

Para o noso stand levamos unha ampla mostra de materiais elaborados ao longo dos anos durante o desenvolvemento dos nosos PDIs, así como creacións audiovisuais en Stop Motion.
(Fai clic na imaxe para poder ver unhas poucas máis)

sábado, 27 de abril de 2024

"LETRAS NA PRAZA" - COMO FOI?

O 24 de abril tivo lugar na alameda da Lama o 1º Encontro "Letras na Praza", cunha participación extraordinaria.

Foron 240 alumnos dos colexios da Lama, Carballedo e Fornelos de Montes, xunto coas familias, veciños e autoridades que tamén se sumaron.
(Fai clic na imaxe para poder ver unhas pouca máis)

Os ecos da actividade foron moi positivos e todos os participantes se amosaron entusiasmados co resultado.

Na alameda instaláronse unha serie de estacións polas que todos se podían mover libremente, nun entorno moi seguro grazas á implicación das familias e Protección Civil.

A ANPA da escola da Lama fixo posible que puideramos contar coa actuación de César Freiría (Cé, Orquetra Pantasma).

Tamén participou no evento Nieves Loperena, coa Furgolibro da Tía Ni.

O Colexio Plurilingüe de Carballedo xa se postulou para tomar o relevo e ser os anfitrións na vindeira edición.