PDI "UN MAR DE CIENCIA" - FASE DE PRESENTACIÓN

Unha das partes máis apaixoantes do PDI é a fase de presentación. Aí podemos ver como o noso alumnado medra e grazas á emoción supérase e consegue amosar todo o seu coñecemento.

MÁIS MATERIAIS!!! - UN MAR DE CIENCIA

Aquí vos deixamos o segundo dos libros elaborados polos nenos e nenas de Educación Infantil. Un Mar de Ciencia. Menuda investigación! Parabéns polo esforzo rapaces.

EXPLICÁMOLO CIENTIFICAMENTE? - EXTRAER SAL DO MAR

Terceira entrega dos vídeos elaborados con experimentos científicos relacionados co medio mariño. Estes pequenos teñen moitas táboas diante da cámara!

PDI "UN MAR DE CIENCIA" - INMERSIÓN

Vos deixamos agora o primeiro dos libros que elaboraron os pequenos de infantil. Un intenso paseo por toda a fauna abisal que tanto lles impresionou. Cada un levou para casa o seu exemplar, e coma sempre, gardamos un elaborado de xeito colaborativo na nosa Biblioteca.

EMPLICÁMOLO CIENTIFICAMENTE? - SEGUIMOS EXPERIMENTANDO

Velaí vai o segundo dos experimentos que gravamos. Que pasa cando se xunta auga doce e auga salgada?

PDI "UN MAR DE CIENCIA" - 3ª Fase: Exposición do Aprendido

Para esta última fase, a de "Exposición do Aprendido", tivemos que facer moitos preparativos e ensaios. Máis adiante poderás ver un pequeno resumo da exposición realizada para os compañeiros con todos os materiais.

PDI "UN MAR DE CIENCIA" - 2ª Fase: Procura e Tratamento da Información

Nas imaxes deste outro vídeo poderás ver distintos momentos da fase de procura e tratamento da información do PDI "Un Mar de Ciencia", do alumnado de Educación Infantil.

PDI "UN MAR DE CIENCIA" - 1ª Fase: Motivación

Como en tódolos Proxectos Documentais Integrados que facemos, hai un proceso no que desenvolvemos unha serie de fases. Deixamos no blog unha serie de vídeos con fotografías que ilustran cada unha delas. Neste caso a 1ª Fase: Motivación.

EXPLICÁMOLO CIENTIFICAMENTE? - PDI "UN MAR DE CIENCIA"

O alumnado de Educación Infantil desenvolveu o seu PDI "Un Mar de Ciencia" tentando de dar resposta a moitas incógnitas que se lles presentraron. Puxémonos mans á obra, e nos espazos de creación audiovisual da Biblioteca organizamos un plató para gravar unha serie de experimentos coa pretensión de explicalo dende a ciencia.

PRESENTACIÓNS DO PDI 2025

Estas dúas semanas entramos de cheo na fase de presentación do aprendido durante o PDI "Ciencia que coida e preserva.

Hoxe os de infantil e 1º ciclo fixeron a súa exposición ás familias que quedaron abraiadas cos coñecementos adquiridos polos nosos pequenos.

A concreción dos de Infantil: "A ciencia e o mar"; os de 1º ciclo: "A ciencia e o espacio"

En canto poidamos por un pouco de orde nos materiais actualizaremos a entrada. Prometemos que non quedaredes indiferentes.

GREENPEACE NA NOSA BIBLIOTECA

O PDI xa botou a andar hai semanas, e os de infantil non perden o tempo.

Como a súa investigación vai do mar: "A Oceanografía", o xoves mantiveron un encontro moi especial cunhas representantes de Greenpeace que lles achegaron todas as problemáticas que se asoman aos nosos mares e océanos e cal é a pegada que o ser humano está deixando nos ecosistemas mariños.

(Clica na imaxe se queres ver outras)

Quedaron moi sensibilizados e xa teñen moitos datos para seguir coa súa investigación.

MISION SALVAMENTO

Unha das actividades desenvolvidas polo alumnado de Educación Infantil durante o seu PDI foi a creación dunha curta de animación a partir da adaptación do álbum ilustrado "Misión Salvamento", de Cristina Oleby e Mariona Tolosa.

Non vos perdades esta estelar actuación na que os máis pequenos métense no papel duns insectos moi osados e organizados que teñen un importante encargo.

PANEIS INFORMATIVOS PDI

Uns dos produtos elaborados durante o proxecto documental integrado son os paneis informativo que recollen a principal información recollida durante a fase de procura e tratamento da información. Traemos hoxe o "despiece" do material elaborado por 2º ciclo.

Non esquezas clicar na imaxe para poder ver todas as fotografías deste fantástico traballo. Especial atención ás imaxes tomadas coa técnica da cianotipia, que recollen con moita sutileza as siluetas das distintas prantas traballadas.

O tamaño de cada panel é de 200x120cm, o que nos permite unha gran superficie de traballo e exposición do materiais sobre un soporte moi ecolóxico e sustentable.

Este primeiro panel contaba cunha ruleta xiratoria, para poder ir visualizando os distintos procesos da semente. As pezas que forman o eixo foron fabricadas coa impresora 3D da biblioteca.

PDI - MATERIAIS ELABORADOS II

Seguindo cos de 2º ciclo traémosvos agora "Unha botica na horta", traballo sobre os usos medicinais das plantas. O PDI "Un espazo para preservar as nosas especies" dá para moito.

Aquí vos deixamos en PDF o dosier elaborado. Nome en galego, nome científico, descrición, curiosidades...

- Descargar PDF -

Todas estas plantas foron gravadas fotograficamente coa técnica da cianotipia no  obradoiro de Biblioteca Creativa con Aloutte Machine.

VIXIANTES DO SOLO

Unha das iniciativas que levamos adiante no PDI deste curso foi a de sumarnos a Vigilantes del Suelo, un proxecto de ciencia ciudadana de Fundación Ibercivis e CITA (Centro de Investigación y Tecnología Agroalimentaria de Aragón).

Clicando na imaxe poderás ver aos nosos mozos e mozas de 5º e 6º tomando mostras na veiga de "Lela" (a nosa cociñeira de toda a vida). Por certo, din que os resultados amosan unha calidade fantástica.

O ESQUÍO TROTAMUNDOS - PDI 1º CICLO

Para animar á lectura, e de paso repasar os mamíferos que ían coñecendo durante a fase de investigación, as titoras de 1º e 2º de primaria artellaron esta historia que conta as aventuras de Milo, un esquío aventureiro que arranca a viaxar para axudar a un raposo que andaba un pouco triste.

E non contentas con escribila mandaron o libro á imprenta, e os pequenos do ciclo puideron gozar del durante a Hora de Ler. Contan que había cola para coller o conto, porque lles resultou moi entretido, e xa de paso valíalles para aprender moitas cousas sobre a familia dos raposos.

A ilustradora do conto foi a profe Julia González Couto, que non hai tanto tempo que estivo de prácticas con nós na Lama.

Boa iniciativa que compartimos!

PDI - MATERIAIS ELABORADOS

O alumnado de 2º ciclo realizou unha investigación documental sobre as plantas, dentro do PDI "Un espazo para preservar as nosas especies".

Aquí vos deixamos en PDF un dos dosieres elaborados.

- Descargar PDF -

QUE PODEMOS FACER NÓS?

Este vídeo recolle parte das tarefas desenvolvidas polo alumnado de Educación Infantil durante o proceso de investigación do PDI_2014.

Os pequenos de infantil investigaron arredor das abellas, e a súa vital importancia para outras tantas especies.

OBRADOIRO DE CIANOTIPIA - ALOUETTE MACHINE

Dentro do programa Biblioteca Creativa tivemos o pracer de contar coa Imprenta Ambulante de Alouette Machine, do vecino concello de Cerdedo-Cotobade.

Puidemos aproveitar o obradoiro para a realización dunhas extraordinarias impresións coa técnica da cianotipia. Non vos perdades a explicación neste vídeo creado polos de 2º ciclo.

EN BUSCA DOS MAMÍFEROS DAS CONTORNA

Hoxe traemos este vídeo dos nenos e nenas de 1º ciclo, no que os podemos ver durante o desenvolvemento do seu PDI "En busca dos mamíferos da contorna".

EN BUSCA DOS MAMIFEROS DA CONTORNA from O Recanto de Leo on Vimeo.