Unha das actividades desenvolvidas polo alumnado de Educación Infantil durante o seu PDI foi a creación dunha curta de animación a partir da adaptación do álbum ilustrado "Misión Salvamento", de Cristina Oleby e Mariona Tolosa.
Non vos perdades esta estelar actuación na que os máis pequenos métense no papel duns insectos moi osados e organizados que teñen un importante encargo.
O alumnado de 3º ciclo fixo un pequeno noticieiro empregando o croma e o telepromter.
Tamén unha entrevista á Chus, nai de Diego de 6º e dona do Aliprox, supermercado da Lama, que nos explicou moitísimas cousas cobre as embalaxes no sector da alimentación e a cantidade de plástico que se emprega.
TELEXORNAL_3_CICLO from O Recanto de Leo on Vimeo.
Hoxe vos traemos un vídeo de exemplo da presentación a distintos grupos de alumnos da impresora 3D, dentro do proxecto Escornabots.
Pensamos que este achegamento á tecnoloxía dende a biblioteca vai abrir un campo importantísimo na escola.
IMPRESORA 3D from Leo de A Lama on Vimeo.
Se a Alfabetización Informacional (ALFIN) e Mediática é unha das nosas principais inquedanzas, incorporamos agora as iniciativas “Maker” e “STEAM” (Science, Technology, Engineering, Arts and Mathematics).
Xa nos contaredes que vos parece, lémonos,
LEO
O alumnado de 6º de primaria produciu, dentro do proxecto Voz Natura e para participar no concurso Ecopreguntoiro de Radio Voz, este audiovisual que toca diversos aspectos da concienciación medioambiental.
ECOVIDEO CEIP A LAMA from Leo de A Lama on Vimeo.
Eles mesmos pasaron polas diversas fases da creación, dende escribir o guión ate interpretar aos seus protagonistas, nun proceso desenvolvido no obradoiro de Iniciación á Linguaxe Audiovisual.
Agardamos que vos pareza de interese, lémonos,
LEO
Vos presentamos as primeiras creacións que resultaron do PDI “Protexe o patrimonio etnográfico”.
Nesta ocasión unha curta de ficción sobre a Ruta do Arrieiros.
O alumnado de 3º e 4º de primaria adaptan o cómic "Pepiño o Arrieiro" de Pablo Rodríguez Oitabén. Agardamos que vos guste.
Lémonos,
LEO
Como ben sabedes estamos embarcados nun novo proxecto: Radio na Biblio!
Xa fai un tempo foi a quenda do profesorado para formarse. Nesta ocasión da man de Javier Prado que ademáis nos acompañará noutra xornada neste mes con obradoiros para os rapaces.
Novos espazos educativos, dinámicas para as aulas, posibilidades de creación literaria, animación á lectura, prácticas cos medios de comunicación... un mundo de posibilidades nas que xa estamos inmersos.
Lémonos,
LEO.
Aquí vos deixamos o primeiro vídeo do desenvolvemento do proxecto Radio na Biblio.
RADIO NA BIBLIO from Leo de A Lama on Vimeo.
Trátase da presentación dos materiais técnicos, a súa montaxe e primeiras probas.
Un saúdo, lémonos,
LEO
O proxecto “Radio na Biblio” chega á escola da Lama. Trátase dunha convocatoria no contexto do Plan Lía, da Consellería de Cultura, Educación e Ordenación Universitaria.
A andaina comezarémola 20 centros (dun total de 167 solicitantes) que resultamos escollidos en función das memorias polo traballo desenvolvido na Biblioteca Escolar durante o curso 2016/2017.
Este proxecto traerá novos recursos económicos e formativos á nosa escola para poder seguir afondando nun Proxecto Educativo en constante renovación e ampliación, comezado no curso 2009/2010 coa entrada no Plan de Mellora das Bibliotecas Escolares de Galicia.
Xa vos iremos contando os resultados, un saudiño, lémonos,
LEO
Esta fin de semana tiveron lugar as entregas de premios do Festival Audiovisual Olloboi e o concurso de Espantallos organizado pola Asociación Cultural Río Barbeira.
| O venres en Boiro, os rapaces da Lama quedaron finalistas coa curta “Roubo no galiñeiro”. | |
Na nosa categoría, resultaron gañadores os compañeiros do CEIP Carballal, de Marín. Parabéns polo seu traballo e merecido premio.
Por outra banda, o sábado coñecéronse os galardoados no concurso de espantallos que un ano máis volveu a organizar a Asociación Cultural Río Barbeira.
A Comunidade Educativa saíu premiada, neste caso a través da ANPA, que gañaron na modalidade en que participaban, e co espantallo elaborado polo alumnado de 5ºe 6º, que quedaron 2º na categoría de centros educativos.
Parabéns a todos polos resultados.
Un saudiño, lémonos,
LEO
Dende hai varios anos presentamos algunhas das nosas creacións audiovisuais ao concurso Olloboi de Boiro.
Este ano presentamos o traballo dos nenos de Educación Infantil do curso 2014-2015: “Os superpoderes dos alimentos”
Foron 234 o total de traballos presentados de 59 centros diferentes. En cada categoría escolleron os nominados.
Nós recibimos tres nomimacións: o olloboi cómico, o olloboi fotoxénico e olloboi animado.
| | | |
Ata a noite da gala non saían os seleccionados!
Para a nosa ledicia... nós fomos un dos premiados co olloboi cómico. Un recollecemento ao traballo audiovisual na escola galega: aquí hai canteira!
| | |
Queremos compartilo con toda comunidade xa que é unha honra para o CEIP A Lama non só ser os premiados se non tamén as nominacións.
E como nón, darlle as nosas felicitacións aos premiados e tamén a todos aqueles que fan audiovisual na escola!
Lémonos,
LEO
Vos deixamos a versión online do CEIBE 2015, que aínda non puideramos subir á rede. Non deixedes de seguir os enlaces que conten.
Un saudiño, lémonos,
LEO
Como xa vos dixeramos nunha entrada anterior, durante a gala de entrega dos premios Olloboi 2015 puidemos facer un amplo reportaxe. Velaí vai unha selección.
 |  |
 |  |
 |  |
 |  |
No seguinte enlace podes acceder á lista dos premiados: www.olloboi.com
Parabéns a todos polo esforzo, lémonos,
LEO
Durante a fase de procura e tratamento da información, o alumnado de Educación Infantil elaborou unha curta de animación en Stop Motion na que eles mesmos interpretaban ás personaxes creadas.
Investigando entre as verduras, legumes e froitas, e agrupándoas por cores, descubriron a antocianina, o betacaroteno, a alicina, o licopeno e a luteína.
OS SUPERPODERES DOS ALIMENTOS from Leo de A Lama on Vimeo.
As mestras Cristina Campos e Tania Rivas, xunto co mestre Rafa Sánchez-Agustino, firman esta creación audiovisual.
Agardamos que vos guste, lémonos,
LEO
Desta volta o alumnado de 2º ciclo de primaria presenta o vídeo que elaboraron coas mestras: Andrea Lafuente, Marta Couso, Luisa Cancelas e Mónica Fernández.
Co título “Da semente ao prato” fai un percorrido polo traballo realizado durante meses por estes rapaces no desenvolvemento do seu PDI.
DA SEMENTE AO PRATO from CEIP A LAMA on Vimeo.
Agardamos que vos guste.
Un saúdo, lémonos,
LEO
Hoxe tocoulles o turno ao alumnado de 3º ciclo.
Entre outras cousas que nos amosaron está este primeiro “Hortoconsello” que vos amosamos.
HORTOCONSELLO 1 from CEIP A LAMA on Vimeo.
Producen este proxecto audiovisual as mestras Ana Loureiro e Raquel Sánchez, no que o alumnado participou, ademais de como actores, en distintos apartados técnicos (son, axudante de dirección, claqueta, cámara…).
Un saúdo, lémonos,
LEO
Despois dun tempo de intenso traballo, (e un pouco ausentes) velaí van…
As creacións audiovisuais dos nosos cativos estanse a presentar nesta última fase do PDI: “Sementa ideas, recolle futuro!”.
Esta primeira entrega titulada “Ecoclínica”, e producida polas mestras Irian Blanco e Tere Couto, quere contar os efectos beneficiosos para o noso organismo que podemos atopar en hortalizas e legumes.
ECOCLÍNICA from CEIP A LAMA on Vimeo.
Agardamos que vos guste!!!
Un saúdo, lémonos,
LEO
O pasado 30 de xaneiro conmemoramos na escola o Día da non Violencia e da Paz. Coma nestes últimos 5 anos organizamos un rastro solidario que pon á venta as elaboracións artesáns do noso alumnado.
DÍA ESCOLAR DA NON VIOLENCIA E DA PAZ 2015 from CEIP A LAMA on Vimeo.
Os beneficios obtidos destínanse a un proxecto solidario relacionado coa temática do noso PDI. Este ano escollemos colaborar con Mans Unidas, que está a desenvolver en Uganda unha iniciativa para mellorar a economía familiar implantando a agricultura sostible.
A música deste vídeo pedímoslla prestada ao cantautor madrileño Luis Guitarra, que nos deu permiso para utilizar a súa canción “Todo es de todos”. O noso agradecemento dende aquí.
Un saúdo, lémonos,
LEO
Ola a todos!
A revista escolar CEIBE 2014 xa leva uns días na rúa, e mentres tanto nós andabamos a preparar a versión online cos enlaces aos vídeos e demais contidos que xa están subidos na rede.
Xa nos contaredes que tal.
Un saudiño, lémonos,
LEO
Aquí vos deixamos un vídeo con distintos momentos da produción de Ranilda. Desculpade os problemiñas técnicos que fixeron que nalgúns momentos no se escoite todo o ben que desexamos, e non vos perdades os últimos minutos coa dobraxe das voces.
MAKING OFF corto RANILDA from Leo de A Lama on Vimeo.
Agardamos que vos pareza interesante.
Un saúdo, lémonos,
LEO
