xoves, 31 de maio de 2012

LETRAS GALEGAS 2012 (1ª parte)

Máis vale tarde que nunca, non si?

A verdade é que “A Vella Lulula” nos tivo tan liados, incluso despois de rematada e presentada, que ate o de agora non puidemos amosar máis actividades deste mes.

Este ano o cole festexou o Día das Letras Galegas o 18 de maio (un día despois da data oficial).

Ao longo da xornada tivemos distintos momentos: uns nas aulas, outro de preparación, e unha tarde en común na biblioteca. Os de 3º, 4º, 5º e 6º prepararon uns textos do autor e nos presentaron un traballo coa súa biografía. Tamén puidemos gozar dun anaco do traballo realizado polos alumnos do CPI dos Dices (Rois, A Coruña), e estiveron expostas as láminas do CEIP ADR Castelao (Rianxo, A Coruña).

_DSC7418   _DSC7423

Aquí vos deixo unhas fotos para ilustrar un pouco o que aconteceu pola tarde.

Un saúdo, lémonos,

LEO

xoves, 24 de maio de 2012

XA ESTÁ CON NÓS!!!

“A Vella Lulula” xa chegou á TVG, que a subiu á súa web na sección de series infantís. Aquí a tendes. A ver que vos parece.

Se queredes descargar unha versión para o móbil - premede aquí – (botón dereito no enlace para gardar destino como)

Un saúdo. Lémonos,

LEO

luns, 21 de maio de 2012

domingo, 20 de maio de 2012

A VELLA LULULA ESTÁ A CHEGAR…

Xa está rematada! A nosa curta de animación xa vai camiño da TVG para que a suban á páxina web, na sección do concurso “Nós tamén creamos”.

Non queremos adiantarnos a súa estrea, pero vos damos unha primicia para ir abrindo boca…

Agardamos que vos gustara…

Un saúdo, lémonos,

LEO

UN AGASALLO…

O pasado 6 maio, o blog O Outeiro de Matilda, do CEIP “Outeiro das Penas”, en Cesantes (Redondela), deixounos un bonito agasallo, en forma de premio. A comunicación apareceu (como mandan as “normas”) nos comentarios da entrada que estaba de primeira naquel momento no blog, incluíndo un enlace á entrada publicada por eles na que escollían os seus blogs gañadores.

liebster-blog1

Velaí van os nosos galardoados:

As zocas faladoras”, blog da Biblioteca do IES de Poio

Lecturo Literaturo”, blog da Biblioteca do CPI de Progreso, de Catoira

Biblio Ribeira”, blog do IES Ribeira do Louro, de O Porriño

Casa de tol@s”, blog de Belén Junquera, mestra abducida polas TICs

Primeiro Ciclo”, blog do Primeiro Ciclo do CPI Mosteiro, de Meis

 

Agora queda na vosa man que escollades outros cinco blogs e os agasalledes tamén.

Recibide unha especial aperta dos vosos amigos do CEIP “A Lama”.

Un saúdo, lémonos,

LEO

xoves, 17 de maio de 2012

O CEIP A LAMA NA TVG

O pasado 14 de maio a TVG emitiu unha reportaxe no programa A Solaina, na que recolleron a marcha da rodaxe da nosa curta de animación (A Vella Lulula) que participa no concurso “Nós tamén creamos”, convocado pola Secretaría Xeral de Política Lingüística, a editorial OQO e a propia TVG.

Velaí vai un corte do programa no que poderedes ir vendo un pouco como vai indo o traballo. Dende aquí o noso agradecemento aos responsables da gravación, as entrevistas e a montaxe.

Agardamos que vos guste.

Un saúdo, lémonos,

LEO

venres, 11 de maio de 2012

TEMOS TROMPO!

participante_edublogs200Acaban de publicar a lista dos galardoados no VI Premio Espiral de Edublogs.

Para dar un pouquiño máis de suspense, o resultado final non se saberá ata o día 2 de xuño, pero O Recanto de Leo está na lista dos blogs premiados.

A posición final de primeiro, segundo e terceiro (blogs con Peonza) non se anunciará ata o día da entrega de premios en Madrid.

Que nervios…! Xa temos o cole revolucionado!!!

Graciñas a todos e noraboa aos demais premiados e participantes.

Quedámonos sen verbas!

Lémonos, LEO

martes, 8 de maio de 2012

FASE FINAL DE PRESENTACIÓN DO PDI (2ºCICLO)

E por fin… despois de tantos meses de traballo, chegou a hora de mostrar o aprendido.

Todos xuntos, na Biblioteca, para escoitar aos nosos compañeiros e ver as súas producións: presentacións, debuxos, exposicións… ao redor do PDI: “O Bosque”.

_DSC6390

Damos paso aos nenos de 2º ciclo que traballaron “O Sotobosque”.

A biblioteca transformouse nun museo coas súas maquetas, que encheron tódolos espazos!

_DSC6370

_DSC6384    _DSC6385

_DSC6386   

Continuaremos facendo motas máis entregas… lembrade o que vos dixen: queda moito que ver!

Lémonos. LEO.

luns, 7 de maio de 2012

DÍA INTERNACIONAL DO LIBRO (3ª PARTE)

Ola nenos!

Co traballo destes días case non nos deu tempo de rematar de contar o que aconteceu o Día do Libro.

Aquí vos deixo unhas fotos das actividades que tivemos pola tarde na biblioteca.

Sin título1  _DSC7115_DSC7120  DSC_1103

A tarde comezou coa interpretación dos nenos de 2º da adaptación para Kamishibai que fixeron do libro “La rosa de San Jorge” de Roser Cardevila.

DSC_1100  _DSC7076  _DSC7085  _DSC7127   

Como xa ven sendo tradicional “Cambiocho por un conto” foi o prato forte. Este ano, practicamente tódolos alumnos do centro trouxeron a súa creación literaria para trocala por un agasallo.

_DSC7119  _DSC7122_DSC7124

_DSC7138  _DSC7155_DSC7130_DSC7158  _DSC7169

Andade atentos que a continuación comezaremos coas entregas das presentación do PDI “Os Bosques”, e coa cantidade de cousas bonitas que fixeron os nosos alumnos ben seguro que non nos chegarán nin dúas, nin tres entradas…

Un saúdo, lémonos,

LEO

sábado, 5 de maio de 2012

VI EDICIÓN DO PREMIO ESPIRAL DE EDUBLOGS

Ola nenos e nenas!

Estes días que andamos tan ocupados nas presentacións dos materiais do PDI, vimos de recibir unha nova moi ilusionante.

Este “Recanto de Leo” foi seleccionado finalista na VI Edición do Premio Espiral de Edublogs.

premioedublogs

Vendo a calidade dos Blogs das outras bibliotecas quedamos máis que satisfeitos con este resultado. Parabéns para as demais bibliotecas, e para todos os presentados, xa que sabemos do traballo que está detrás destas publicacións (en especial ás bibliotecas galegas).

O próximo venres, 11 de maio, saberanse os Blogs gañadores nas distintas categorías.

Grazas a tódalas persoas que fan posible este concurso polo seu labor.

Unha aperta. Lémonos.

LEO