24 DE OUTUBRO - DÍA DA BIBLIOTECA

O pasado 24 de outubro tivemos a sorte de poder compartir un rato máis que agradable con Paco Cerdeira "Pakolas", que fixo as delicias de pequenos e maiores nun concerto inesquecible.

Aproveitando que o noso alumnado de 1º ciclo está a desenvolver un PDI sobre a Ciencia e o Espazo, pedímoslle que nos presentara o espectáculo de "A Ramona pequena vai á lúa".

Ademais, estivo acompañada pola ilustradora Laura Romero, que ambientou plasticamente as cancións e contos de Pakolas.

(Clica na imaxe se queres ver outras)

Esta actuación foi posible grazas á colaboración da Axencia Municipal de Lectura da Lama que a incluíu no seu proxecto "O Galego en-Canta na Lama!"

MÁIS SAAAABOR!

Grazas ao programa +Escénicas, da Deputación de Pontevedra, e en colaboración coa Axencia Municipal de Lectura puidemos achegar o teatro aos nosos pequenos. Menudo luxo a obra "Máis saaaabor!": música, interpretación, show cooking...

(Clica na imaxe se queres ver outras)

No curso no que o lema é "Biblioteca Escolar, a escena", o CEIP A Lama compensa as desigualdades do mundo rural co único escenario que existe en todo o Concello.

QUERES UN CONTO?

O 15 de outubro a biblioteca do cole da Lama converteuse nun plató de televisión para gravar uns capítulos do programa da TVG "Queres un conto?". Grazas a Quique e Carlos (Polo Correo do Vento) por achegar esta oportunidade á nosa escola.

   

(Clica na imaxe se queres ver outras)

No seguinte enlace tes acceso a tódolos capítulos que xa están subidos na Web do Xabarín Club:

https://www.xabarin.gal/videos/category/25594-queres-un-conto

ARRANCA O CLUB DE LECTURA 24/25

Arranca o club de lectura co alumnado 6º de primaria que decidiu apuntarse este curso. 10 alumnos de 14 semella unha boa porcentaxe. Xa iremos contando como se vai desenvolvendo. Coma sempre, se queres ver algunha instantánea máis, clica na foto.

MISION SALVAMENTO

Unha das actividades desenvolvidas polo alumnado de Educación Infantil durante o seu PDI foi a creación dunha curta de animación a partir da adaptación do álbum ilustrado "Misión Salvamento", de Cristina Oleby e Mariona Tolosa.

Non vos perdades esta estelar actuación na que os máis pequenos métense no papel duns insectos moi osados e organizados que teñen un importante encargo.

PANEIS INFORMATIVOS PDI

Uns dos produtos elaborados durante o proxecto documental integrado son os paneis informativo que recollen a principal información recollida durante a fase de procura e tratamento da información. Traemos hoxe o "despiece" do material elaborado por 2º ciclo.

Non esquezas clicar na imaxe para poder ver todas as fotografías deste fantástico traballo. Especial atención ás imaxes tomadas coa técnica da cianotipia, que recollen con moita sutileza as siluetas das distintas prantas traballadas.

O tamaño de cada panel é de 200x120cm, o que nos permite unha gran superficie de traballo e exposición do materiais sobre un soporte moi ecolóxico e sustentable.

Este primeiro panel contaba cunha ruleta xiratoria, para poder ir visualizando os distintos procesos da semente. As pezas que forman o eixo foron fabricadas coa impresora 3D da biblioteca.

PDI - MATERIAIS ELABORADOS II

Seguindo cos de 2º ciclo traémosvos agora "Unha botica na horta", traballo sobre os usos medicinais das plantas. O PDI "Un espazo para preservar as nosas especies" dá para moito.

Aquí vos deixamos en PDF o dosier elaborado. Nome en galego, nome científico, descrición, curiosidades...

- Descargar PDF -

Todas estas plantas foron gravadas fotograficamente coa técnica da cianotipia no  obradoiro de Biblioteca Creativa con Aloutte Machine.

VIXIANTES DO SOLO

Unha das iniciativas que levamos adiante no PDI deste curso foi a de sumarnos a Vigilantes del Suelo, un proxecto de ciencia ciudadana de Fundación Ibercivis e CITA (Centro de Investigación y Tecnología Agroalimentaria de Aragón).

Clicando na imaxe poderás ver aos nosos mozos e mozas de 5º e 6º tomando mostras na veiga de "Lela" (a nosa cociñeira de toda a vida). Por certo, din que os resultados amosan unha calidade fantástica.

O ESQUÍO TROTAMUNDOS - PDI 1º CICLO

Para animar á lectura, e de paso repasar os mamíferos que ían coñecendo durante a fase de investigación, as titoras de 1º e 2º de primaria artellaron esta historia que conta as aventuras de Milo, un esquío aventureiro que arranca a viaxar para axudar a un raposo que andaba un pouco triste.

E non contentas con escribila mandaron o libro á imprenta, e os pequenos do ciclo puideron gozar del durante a Hora de Ler. Contan que había cola para coller o conto, porque lles resultou moi entretido, e xa de paso valíalles para aprender moitas cousas sobre a familia dos raposos.

A ilustradora do conto foi a profe Julia González Couto, que non hai tanto tempo que estivo de prácticas con nós na Lama.

Boa iniciativa que compartimos!

PDI - MATERIAIS ELABORADOS

O alumnado de 2º ciclo realizou unha investigación documental sobre as plantas, dentro do PDI "Un espazo para preservar as nosas especies".

Aquí vos deixamos en PDF un dos dosieres elaborados.

- Descargar PDF -

QUE PODEMOS FACER NÓS?

Este vídeo recolle parte das tarefas desenvolvidas polo alumnado de Educación Infantil durante o proceso de investigación do PDI_2014.

Os pequenos de infantil investigaron arredor das abellas, e a súa vital importancia para outras tantas especies.

OBRADOIRO DE CIANOTIPIA - ALOUETTE MACHINE

Dentro do programa Biblioteca Creativa tivemos o pracer de contar coa Imprenta Ambulante de Alouette Machine, do vecino concello de Cerdedo-Cotobade.

Puidemos aproveitar o obradoiro para a realización dunhas extraordinarias impresións coa técnica da cianotipia. Non vos perdades a explicación neste vídeo creado polos de 2º ciclo.

EN BUSCA DOS MAMÍFEROS DAS CONTORNA

Hoxe traemos este vídeo dos nenos e nenas de 1º ciclo, no que os podemos ver durante o desenvolvemento do seu PDI "En busca dos mamíferos da contorna".

EN BUSCA DOS MAMIFEROS DA CONTORNA from O Recanto de Leo on Vimeo.

VISITAMOS A MISIÓN BIOLÓXICA DE GALICIA - CSIC

Unha das saídas que realizamos para procurar información foi a da Misión Biolóxica de Galicia, en Pontevedra. Esta institución dependente do CSIC conta cun impresionante reservorio de sementes de distintas especies de cultivo. Coa visita puidemos comprender a importancia da biodiversidade e o labor da ciencia na conservación da natureza.

Temos que agradecer á Misión Biolóxica as imaxes que nos prestaron para a creación deste vídeo

A LAMA SPRING SHOW - COMO FOI?

Velaí van unhas instantaneas tomadas durante as presentacións dos PDIs dente ano. Uns traballos cun nexo de unión entre todos eles: Proxecto Voz Natura. 

Minúsculas e imprescindibles: As Abellas, Unha ollada baixo as botas, En busca dos mamíferos da contorna e Plantas para a vida; estes son os títulos de cada unha das concrecións que fixemos sobre o tema principal: Un espazo para preservar as nosas especies.

(Fai clic na imaxe para poder ver unhas poucas máis)