martes, 7 de xuño de 2022

PREMIO GALICIA VOZ NATURA II

Agora vos deixamos un vídeo que resume o indispensable que desenvolvimos durante o curso 2021/2022 e que nos fixo merecedores do galardón.

PREMIO_GALICIA_VOZ_NATURA from O Recanto de Leo on Vimeo.

luns, 6 de xuño de 2022

PREMIO GALICIA VOZ NATURA

O CEIP "A Lama" acaba de ser recoñecido co Premio Galicia do Proxecto Voz Natura polo seu Proxecto Documental Integrado "Estamos a Monte". O galardón vén acompañado dunha dotación en metálico de 5.000 €, para o desenvolvemento do seu proxecto de Educación Medioambiental.

venres, 17 de decembro de 2021

VII CONCURSO DE TRABALLO POR PROXECTOS

"Os Instrumentos do Pórtico da Gloria", un traballo realizado polo alumnado de 6º de primaria do CEIP A Lama, resultou premiado no VII Concurso de Traballos por Proxectos baixo a coordinación (ou coa participación) da Biblioteca Escolar. 

PORTICO_2.mp4 from O Recanto de Leo on Vimeo.

Se estás interesado en coñecer algo máis sobre este traballo podes ler o artigo publicado en Eduga, revista galega do ensino.

xoves, 23 de abril de 2020

E TI COMO LES?

Hoxe é o Día do Libro e o estamos celebrando dun xeito un tanto raro!

Normalmente os voluntarios terían preparados os seus contos polo patio, e pola tarde faríamos un encontro para todos na Biblioteca.

Este ano cada un leu na súa casa. Aí vai este vídeo coas vosas fotos. 

 

DIA DO LIBRO from O Recanto de Leo on Vimeo.

*As fotos que falten subirémolas na próxima actualización. 

Un saudiño, lémonos,
LEO

venres, 3 de abril de 2020

SAÍDA Á PRAIA DE ARCADE

O pasado 11 de marzo fomos á praia de Arcade a facer unha recollida de plástico. Esta excursión está enmarcada no PDI "Construamos un futuro sen plástico", dentro do proxecto Voz Natura.

A profe Begoña nos deixa este vídeo que montou sobre a excursión.

SAÍDA DE INVESTIGACIÓN Á PRAIA from Leo de A Lama on Vimeo.

Un saudiño a todos, lémonos,
LEO

domingo, 22 de marzo de 2020

PROGRAMA DE RADIO ESPECIAL: TODO VAI SAÍR BEN!

O pasado xoves comezamos esta iniciativa para involucrar aos cativos e ao profesorado nun novo programa de CEIBE Radio.

O proxecto Radio na Biblio non se detén a pesar do COVID-19.

O obxectivo? Manter aos pequenos conectados a través da radio, e que poidan saber uns dos outros nestes tempos difíciles e de paso traballamos competencias AMI.


Por suposto que esta foto non é destes días. Eles están nas súas casas e nos conectamos a través de mensaxes de móbil.
 

Agardamos que vos guste a actividade.

Unha aperta máis grande que nunca, lémonos,
Leo

venres, 20 de marzo de 2020

TODO VAI SAÍR BEN!

Ola! Como vos escribín a través das listas de difusión aquí estamos de novo. Estou preparando a segunda entrega do programa de radio. Mentres aquí vos deixo as imaxes que foron chegando. A medida que enviedes máis vos irei engadindo.



Un saúdo, lémonos,
Leo

xoves, 7 de xuño de 2018

IMPRIMINDO EN 3D

Hoxe vos traemos un vídeo de exemplo da presentación a distintos grupos de alumnos da impresora 3D, dentro do proxecto Escornabots.

Pensamos que este achegamento á tecnoloxía dende a biblioteca vai abrir un campo importantísimo na escola.

IMPRESORA 3D from Leo de A Lama on Vimeo.

Se a Alfabetización Informacional (ALFIN) e Mediática é unha das nosas principais inquedanzas, incorporamos agora as iniciativas “Maker” e “STEAM” (Science, Technology, Engineering, Arts and Mathematics).

Xa nos contaredes que vos parece, lémonos,
LEO

mércores, 6 de xuño de 2018

OS ESCORNABOTS VIAXARON Á AULA

Unha das iniciativas que quixemos probar este curso foi a de levar os escornabots dende a biblioteca ás aulas.

Preparamos unha caixa cos tableiros e outros recursos.

No seguinte vídeo podedes ver a chegada a 1º e 2º de primaria.

ESCORNABOTS from Leo de A Lama on Vimeo.

Resultou como agardabamos! Lémonos,
LEO

domingo, 3 de xuño de 2018

ECOVIDEO–COIDA O MEDIO AMBIENTE

O alumnado de  6º de primaria produciu, dentro do proxecto Voz Natura e para participar no concurso Ecopreguntoiro de Radio Voz, este audiovisual que toca diversos aspectos da concienciación medioambiental.

ECOVIDEO CEIP A LAMA from Leo de A Lama on Vimeo.

Eles mesmos pasaron polas diversas fases da creación, dende escribir o guión ate interpretar aos seus protagonistas, nun proceso desenvolvido no  obradoiro de Iniciación á Linguaxe Audiovisual.

Agardamos que vos pareza de interese, lémonos,
LEO

martes, 29 de maio de 2018

PROGRAMA DE RADIO 5º E 6º

Vos deixamos o programa realizado polo alumnado de 5º e 6º de primaria para presentar o seu PDI “Protexe o patrimonio etnográfico” onde nos falan das festas populares e a tradición das Ermitas e do Pelete.

Agardamos que vos guste.

Lémonos,
LEO

luns, 28 de maio de 2018

“A RUTA DOS ARRIEIROS” – PDI

Vos presentamos as primeiras creacións que resultaron do PDI “Protexe o patrimonio etnográfico”.

Nesta ocasión unha curta de ficción sobre a Ruta do Arrieiros.

O alumnado de 3º e 4º de primaria adaptan o cómic "Pepiño o Arrieiro" de Pablo Rodríguez Oitabén. Agardamos que vos guste.

Lémonos,
LEO

domingo, 20 de maio de 2018

CEIP “A LAMA” PREMIO VOZ NATURA

O CEIP A Lama vén de ser recoñecido co Premio Pontevedra de Voz Natura. A entrega do galardón efectuarase durante a Festa Voz Natura que terá lugar o vindeiro sábado, 2 de xuño, en Culleredo.

Aquí vos deixamos a reseña de hoxe da Voz de Galicia.

IMG_7505

Parabéns a tódolos premiados, lémonos,
LEO

sábado, 21 de abril de 2018

PORTAMERICA 2018: El valor de las personas

O festival Portamérica 2018, vén de estrear a curtametraxe documental: “El valor de las personas”.



A través de Voz Natura recibimos a petición de colaborar neste vídeo de Zinquin Audiovisual, que tenta deixar constancia de como educación y concienciación garanten o futuro do noso territorio e do noso planeta.

Por cada entrada do festival que se venda será plantada unha árbore autóctona.

Grazas a Alberto Baamonde (director), Javier Álvarez (imaxe) e Martiño Méndez (son), por acompañarnos á plantación de Racelo e á saída ao Suído para investigar sobre os chouzos e a ruta do arrieiros.

Agardamos que vos guste, lémonos,
Leo

xoves, 29 de marzo de 2018

TOCA FORMARNOS… RADIO NA BIBLIO!

_DSC5956

Como ben sabedes estamos embarcados nun novo proxecto: Radio na Biblio!

Xa fai un tempo foi a quenda do profesorado para formarse. Nesta ocasión da man de Javier Prado que ademáis nos acompañará noutra xornada neste mes con obradoiros para os rapaces.

Novos espazos educativos, dinámicas para as aulas, posibilidades de creación literaria, animación á lectura, prácticas cos medios de comunicación... un mundo de posibilidades nas que xa estamos inmersos.

Lémonos,
LEO.