O alumnado de 1º ciclo recolleu nun gran libro a información recollida durante o desenvolvemento do PDI. Traémosvos a súa presentación para que a poidades gozar.
A MAR DE LIMPO PREV from CEIP A LAMA on Vimeo.
- PINCHA AQUÍ PARA VER O VÍDEO ENTEIRO -
Agardamos que vos guste.
Un saúdo, lémonos,
LEO
Este ano o día do libro non foi só o “día” se non que realizamos, ao longo de varios días, diferentes dinámicas.
Comezamos a semana coa visita do contador de contos, Ignacio Vilariño, actor de teatro e coñecedor da arte de dar vida aos monicreques. Deixounos cun amplo sorriso co que comezamos esta intensa semana!
 |  |
 |  |
Un conto de burros, con música e incluso cun baile??? Parecíanos incrible pero… así foi!
Moi pronto amosarémosvos moitas outras actividades que fixemos para conmemorar este día tan especial!
Lémonos,
LEO
Seguindo cos materiais elaborados, e que foron empregados na fase de presentación do PDI “Ríos e Praias en Boas Mans”, vos achegamos agora a creación dos alumnos de infantil de 3 e 4 anos.
Pancho e Panchita son un pouco “despistados” e fan cousas que non están ben. Os pícaros da Lama, axudados por Monstruíto, explícannos como coidar mellor eses ecosistemas.
PANCHO e PANCHITA from CEIP A LAMA on Vimeo.
(Este vídeo é unha mestura especial para ter os 6 anuncios que vos enlazamos a continuación en 1)
https://vimeo.com/92459942
https://vimeo.com/92459943
https://vimeo.com/92466231
https://vimeo.com/92459945
https://vimeo.com/92459946
https://vimeo.com/92464479
Agardamos que vos gusten.
Un saúdo, lémonos,
LEO
Continuando coa programación do Día do Libro, o venres pasado tiñamos previsto un mercado solidario na praza da vila. Tivémolo que aprazar por mor do tempo, pero como xa veriades anunciado nos carteis, finalmente será mañá día 30 de abril.
A recadación destinarámola nesta ocasión á Asociación Cultural Río Barbeira, que traballa na nosa contorna conservando este espazo e organizando actividades culturais.
Non deixedes de vir.
Lémonos,
LEO
Continuando coa fase de presentación do PDI “Ríos e Praias en Boas Mans”, pasamos a contarvos o traballo realizado polo alumnado de 3º ciclo de primaria.
Eles centráronse nun espazo natural protexido: As dunas de Corrubeda e as lagoas de Carregal e Vixán.
 |  |
 |  |
Durante a fase anterior, de procura e tratamento da información, foron recabando abundantes datos que ían quedando recollidos en fichas e plasmados en todo tipo de traballos.
Con todo isto elaboraron unha exposición no escenario do salón de actos, que aínda se pode visitar, e pola que guiaron a todos os seus compañeiros e profesores da escola.
 |  |
 |  |
Esta semana convidarán tamén ás familias, para que poidan gozar co traballo realizado e escoitar de primeira man as súas explicacións.
Andade atentos, que seguiremos publicando novas sobre esta fase de presentación.
Lémonos,
LEO
Despois dun intenso curso, traballando arreo no noso PDI, chega a última fase: a presentación do aprendido.
 |
Ao longo da última semana tódolos alumnos e mestres fomos escoitando, observando, experimentando, descubrindo... os diferentes traballos de investigación dos nosos compañeiros; e do mesmo xeito, expoñendo o noso propio.
Hoxe queremos presentarvos unha parte do labor dos máis cativos; os nenos de infantil.
Neste ciclo comezaron a exposición os de 6º de infantil, que entre outras actividades, investigaron a cerca das persoas que teñen a cotío nas súas mans os nosos río e praias: “As mariscadoras e os pescadores”.
Reunidos na nosa biblioteca escoitamos con moita atención todo o que aprenderon con axuda da súa presentación coa que nos agasallaron!
 |
 |  |
Velaí vos deixamos o seu caderno de recollida da información.
Moi pronto iremos compartindo máis traballos de tódolos cursos!
Lémonos. LEO.
Como xa viñemos facendo estes últimos anos, a temática do Entroido é a mesma que a do noso PDI, así que... “Ríos e Praias en Boas Mans!”
Mares, ríos, unha invasión de medusas, pequenos peixes e cangrexos, bombeiros forestais, unha manifestación de ecoloxistas... Imos ver como o fixemos!
 |  |
 |
Os máis pequenos do cole puxéronse mans á obra e con moito tempo de antelación comezaron a cortar o tul, pintar a espuma, recortar a fieltrina, pintar os bechos… e velaí están disfrazados de mares e ríos! E chegaron as divertidas medusas. Despois de tanto chover este inverno… algo había que facer cos paraugas! |
 |  |
 | Menos mal que os maiores fixeron unha manifestación, xa que foron de ecoloxistas ben activos e cheos de bos lemas para convencer da importancia das nosas praias e ríos. |
 |  |
Nun momento no que parou de chover… saímos de desfile polo pobo!
Aquí vos deixamos unhas cuantas fotos máis nesta galería, do desfile e do baile da tarde!!!
Un saudiño, lémonos,
LEO
DÍA DA PAZ - 2014 from CEIP A LAMA on Vimeo.
O pasado 30 de xaneiro, conmemoramos na escola a Xornada Escolar pola Paz e a Non Violencia.
Dende hai 4 anos esta data a incluímos na programación do Proxecto Documental Integrado (este ano “Ríos e Praias en Boas Mans”), do mesmo xesto que o Entroido e outras datas sinaladas.
A actividade que vedes no vídeo é un Mercado Solidario. Cada ciclo se encarga de elaborar unha serie de manualidades, que logo se expoñen no escenario ambientado para a ocasión. A recadación (desta volta foron 198 €) se lle entrega a unha ONG ou asociación que desenvolva un proxecto solidario relacionado coa temática a traballar. O primeiro ano (traballamos A Auga) os cartos foron para UNICEF, pola experiencia “Gotas de auga para Níxer”; o segundo ano (O Bosque) para a Asociación “Ridimoas” de Ribadavia que se ocupa de recuperar o bosque autóctono; o pasado curso foron (As Enerxías Sostibles) para a iniciativa “Bicis pola Paz”, que desenvolve Anxo Moure...
Para este ano pensamos na asociación pontevedresa “Vai polo río”, polo seu labor de recuperación no río dos Gafos. Como xa vos contamos en outra entrada, o propio Día da Paz recibimos a visita de Amancio, Paulo e Ramón, que nos contaron en que consistía o traballo. Coa nosa colaboración poderán editar a 2ª parte do cartaz “Tesouros Biolóxicos do Río Gafos”, e xa nos anunciaron que a presentación será na nosa escola.
Nós quedamos encantados de poder colaborar e que o noso esforzo se vexa recompensado con este agasallo.
Por outra banda, na clase de música estiveron aprendendo a canción de Pablo Díaz, “Ecoloxista”, que está publicada no seu último libro-disco TOC TOC, e que ilustra Nuria Díaz. (Tan interesante como o TIC TAC... Recomendámolo!)
Os de 5º e 6º de Primaria compuxeron dúas estrofas máis que vos deixamos aquí por se vos gustan.
“A natureza pode estar en perigo,
se non paramos a deforestación.
Mareas vivas en vez de mareas negras,
e nas escolas sensibilización.”
“Salvar paxaros e outros seres vivos,
coidar lagoas, bosques e humedais,
con boas prácticas nos ecosistemas,
flora e máis fauna poderemos salvar.
Un saúdo, lémonos,
LEO
Ola a tod@s!
O pasado 30 de xaneiro festexamos o Día Escolar pola Paz e a non Violencia. Seguindo a liña dos últimos anos, o noso alumnado traballou arredor dunha iniciativa solidaria relacionada coa temática do Proxecto Documental Integrado, e neste curso: “Ríos e Praias en boas mans”.
| | |
Unha das actividades programadas foi o encontro cos membros da asociación ecoloxista pontevedresa “Vai polo río”, para que nos contaran cal é o seu labor, como comezaron, que foron atopando no río dos Gafos…
| | |
Durante o encontro, Pablo Carro, Amancio Castro e Ramón Laxe, foron descubrindo os tesouros biolóxicos que son a parte máis fermosa do seu traballo, aínda que tamén puideron comentar que cousas curiosas, ao tempo que sucias, foron descubrindo neste leito que con tanto mimo limpan.
| | |
Como sorpresa, descubríusenos que este cartaz, “Tesouros Biolóxicos do Río Gafos”, terá unha segunda parte, sufragada cos cartos recadados polos nenos e nenas do CEIP “A Lama” . Ademais, adiantáronnos que a “presentación mundial” terá lugar na nosa escola en canto estea listo.
Unha delicia de visita que agardamos lles valera aos nosos cativos para por en valor todo aquilo que lles rodea, porque na Lama tamén temos uns ríos ben fermosos e importantes.
Un saúdo, lémonos,
LEO
Dentro das saídas programadas no Proxecto Documental deste ano xurdiu a oportunidade de visitar co alumnado de 2º e 3º ciclo o Complexo Dunar de Corrubedo, e as Lagoas de Vixán e Carregal. Alba de 6º déixanos esta crónica para “O Recanto de Leo”.
| “O día 14 de novembro, xoves, algúns profes e os cursos 3º,4º,5º e 6º fomos de excursión ao Complexo Dunar de Corrubedo e ás Lagoas de Vixán e Carregal. Saímos do cole ás 9.00 da mañá e chegamos ao Parque Natural de Corrubedo ás 11.00 aproximadamente. Alí, un guía, contounos moitas curiosidades: como se forman as dunas, que paxaros habitan nelas… e mentres nos explicaba, ensinaba as fotos nunha pantalla na que tamén nos puxo un vídeo. |  Píllara, paxaro que habita nas dunas. |
| A continuación fomos dar un paseo polo Parque no que había moitos sinais como: prohibido cans, non acampar, non facer fogueiras, etc. O guía díxonos que camiñáramos con coidadiño porque podía haber ovos no chan, que os podíamos pisar porque están camuflados, e que estiveramos atentos por si viamos algún. Por desgraza non encontramos nada e non vimos paxaros porque a maioría saen de noite. Sen saír dos sendeiros de madeira, chegamos a un alto onde había un burato enorme, paramos e o guía explicounos que antigamente había un mineral chamado golfrán que era moi caro e extraíano de alí. Despois chegamos a unha praia que estaba moi moi sucia e contaminada, ata había un pobre golfiño morto que acabou abalado alí e moitas máis cousas que os humanos tiramos ao mar e contaminan. Para finalizar a mañá, o guía levounos a un museo precioso no que había moitas cousas interesantes relacionadas co Parque: maquetas, aparellos de pesca, carteis informativos, cunchas, e moitas cousas máis. Cando rematamos a visita, comemos uns bocatas e marchamos do Parque cara o miradoiro da Ra. Dende alí observamos vistas extraordinarias, víanse as Lagoas de Vixán e Carregal e toda a marisma. Finalmente visitamos a GRAN duna móbil e un faro que rodeamos para ver mellor e admirar as vistas dende el. Sacamos moitísimas fotos e cando chegamos á casa contámoslle aos nosos pais o que fixeramos ese extraordinario e divertido día. A DUNA MÓBIL A duna móbil deste espazo, aberto entre as rías de Arousa e a de Muros e Noia, ,resalta polas súas dimensións. Máis dun km de lonxitude e 20 metros de altura e entre os 200 e 250 metros de ancho, aínda que antigamente disque era meirande. Figura que a finais do século XIX superaba os 60 metros de altura. A duna é longa e tendida coma o lombo dun animal, derrúbase pola banda de sotavento, cara a terra, e sen vexetación que a conteña, avanza pola chaira a unha velocidade de dous ou tres cm. cada ano. LAGOAS DE VIXÁN E CARREGAL Vixán, a lagoa doce, aliméntase das augas do modesto regato Muíño, suxeito a oscilacións de caudal estacionais. Carregal, a lagoa salobre, comunícase co Océano dividíndoa en dous: a longa praia fronte aos cons denominados Pedras da Ferreira. É esta canle do mar pola que circulan as mareas un dos puntos centrais do Complexo de Corrubedo. Alba Amoedo Cal |
A súa compañeira Vanessa Reis Courtine deseñou este cartaz que vos presentamos, para concienciar á xente de que non se pode deixar todo ciscado.
Tamén podedes ver na seguinte galería de imaxes unha mostra de todo o que puideron vivenciar.
(Grazas a tódolos autores polas fotos!)
Un saudiño, lémonos,
LEO
