SAMAÍN E MAGOSTO… UNHA XORNADA PARA PASALO DE MEDO!

Despois de decorar o escenario os máis cativos do cole, ao longo da semana anterior..., chegara o esperado momento da festa.

Todo arrancou o xoves, cando os nenos comezaron a traer as súas cabazas e cestas de outono feitas en familia; aí foi cando o escenario cobrou verdadeira vida.

Cada ano son máis as que chegan e cada ano son mellores, por iso costounos moitísimo decidir ao xurado, pero ao final... levaron premio a cabaza máis divertida, a cabaza máis orixinal, a cabaza máis terrorífica e a mellor cesta.

Coma sempre, orixinais e sen vergoña ningunha: os nosos presentadores.

Aínda non deramos por rematado o día pero... iso queda para outra entradiña!

Lémonos,

LEO

CADERNOS DE BITÁCORA!

Ver álbum completo

Ben feito familia!

Lémonos. LEO

24 de Outubro - DÍA DAS BIBLIOTECAS ESCOLARES

Ola a todos!

Como ben sabedes, onte conmemoramos o Día das Bibliotecas Escolares, e hoxe tivemos un encontro no noso Recanto de Leo, para compartir as actividades que se desenvolveron nas aulas.

Unha delas: Que é unha Biblioteca para ti?, deixounos este ano esta fermosa colaboración das familias dos nenos e nenas de Infantil.

Que é unha biblioteca para ti? from CEIP A LAMA on Vimeo.

Agardamos que vos guste, lémonos,

LEO

UNHA PRIMEIRA VISITA IMPORTANTE NA NOSA BIBLIOTECA!

Os novos alumnos de infantil que chegan por primeira vez ao cole tamén o fixeron á nosa Biblioteca.

Nesta ocasión Leo recibiunos da man dos nosos voluntarios que estaban ansiosos de volver a traballar e sobre todo cos máis pequenos.

Prepararon todo o necesario; novos carnés, puntos de lectura, as normas dos recantos e... foron a buscar por sorpresa aos pequerrechos!

 

Os novos usuarios non dubidaron en escoller o conto que querían levar para a casa e mesmo lle pediron aos voluntarios que compartiran con eles a Hora de Ler.

 

Xa fomos vendo dende aquel primeiro día que todos estiveron ben atentos e que agora non deixan de virnos visitar!

E como xa din eles… Lémonos!

LEO

CO NOVO CURSO… NOVAS MOCHILAS VIAXEIRAS!

Erades moitos os que queriades saber cando ían saír, cantas mochilas teríamos por clase, se había Cadernos de Bitácoras...

Pois ben, o pasado martes comezaron a súa longa e fascinante viaxe polos fogares dos nosos cativos as Mochilas Viaxeiras!

Documentos variados e en varios idiomas; pelis, libros de consulta, poesías, videoxogos, narrativas, libros de manualidades… e como non, o noso Caderno de Bitácora Un caderno para que cada familia deixe a súa pegada e nos conte a todos que foi o que máis lle gustou, que cousas podemos mellorar, recomendar algunha lectura… ou simplemente contarnos como foi ese momento de lectura en familia! Logo poderedes velo no Blogue e gozar cos traballos dos demais!

Xa sabedes… agora só queda esperar!

Lémonos. LEO!

OUTUBRO: MES DAS BIBLIOTECAS ESCOLARES

Como ben sabedes, o día 24 de outubro festexaremos o Día das Bibliotecas Escolares. Coma tódolos anos, a Asesoría de Bibliotecas Escolares editou un cartaz conmemorativo. Este ano o lema é: “Ler Ciencia na Biblioteca Escolar”. Por non perder os bos costumes, dúas actividades: “Decobiblio” e “Que é unha biblioteca para ti?”, serán as propostas para que o noso alumnado, dende a casa ou na aula se acheguen á Biblioteca a través da súa creatividade. Outra das novidades, da que vos iremos dando conta é a incorporación de "5 “E-Readers” aos nosos recursos. A Consellería de Cultura, Educación e OU, incuíunos no proxecto E-LBE, e enviou unha partida de cartos para a adquisición destes aparellos coa finalidade de traballar este xeito concreto de lectura electrónica. Estade antentos á súa presentación, polo de agora só vos podemos dicir que estamos organizando o espazo e as normas de uso, ademais de seleccionar os “E-Books” que lles cargaremos. Un saúdo, lémonos, LEO

PROXECTO VOZ NATURA

Ola a todos!

Un ano máis comezamos o noso traballo no Proxecto “Voz Natura”. Aquí vos deixo o cartaz deste ano. Como podedes ver o lema é: “Ríos e Praias en Boas Mans”.

Os profes xa se están a organizar para, empregando a metodoloxía dos Proxectos Documentais Integrados, comezar a traballar empregando os recursos que a Biblioteca nos ofrece.

Vos iremos dando conta das novas que acontezan.

Un saúdo, lémonos,

LEO

OLA NENOS!!! XA ESTAMOS AQUÍ DE NOVO…

Que tal foron esas vacacións? A verdade é que as mereciades ben.

O último día do curso pasado recibimos a nova de que os alumnos de 1º de primaria gañaran o concurso de curtas de animación: “Nós tamén creamos”.

O conto adaptado…: “A Escaleira”, de Beatriz Montero e Raul Nieto Guridi.

Os nosos parabéns para estes nenos e profes que con tanta ilusión traballaron.

Un saúdo, lémonos,

LEO

CEIBE 2013! Xa a podes ler no noso blog…

Xa está á vosa disposición a última revista CEIBE. Esta edición conta con contidos extra para aqueles que a reciban en DVD (vídeos, presentacións, curtas de animación…)

Esta versión extensible está tamén dispoñible de xeito online. (Paciencia nalgunha descarga!!!)

Agardamos que vos guste.

Un saúdo, lémonos,

LEO

HABÍA UNHA VEZ… UNHA SEMENTE!

Ao redor do libro “Había unha vez una semilla” da escritora Judith Anderson, os nenos de infantil déronlle unha utilidade moi sostible ás botellas de plástico que trouxeran para reciclar por mor do P.D.I. “Enerxía sostible”.

O primeiro era preparar ben aquelas botellas!

Todas ben limpiñas…	…recortamos un rectángulo…
…uns buratos para colgar…	… e algo de cor!

Xa temos a nosa maceta-sostible!

Despois do aprendido… xa sabiamos o que tocaba facer.

Primeiro creamos a estructura para unha plantación vertical!	Un pouco de terra…
Hai que movela…	Unhas pequenas sementes de leituga…
Cubrimos o sementado…	E para rematar…unhas pingas de auga!

Xa están todas listas. Agora só queda esperar e por suposto non esquecerse de regar!

Mentres as nosas leitugas medran día a día, nós non lle quitamos ollo e recollemos tódolos datos na nosa versión: “Había unha vez unha semente”.

 

Aínda son pequechas, pero temos tempo para velas medrar e pronto serán un prato ben saludable nas nosas mesas. Agricultura ecolóxica e sostible!

Lémonos. LEO

A ESCALEIRA - UNHA TARDE CON GÜINTERVAN…

Unha das particularidades das nosas curtas (“A Vella Lulula” e “A Escaleira”) é que a música da banda sonora procurámola entre os membros da nosa comunidade educativa.

Se o ano pasado fora Maktúbikan, este ano a música ven da man de Güintervan, xa que Isaac, un dos membros, é o pai de Iker, alumno do noso cole.

Os seus compoñentes son:

Isaac	Gulín
Harry	Roi Alexandre

Para a “Premier” oficial organizamos un concerto na escola que fixo as delicias dos nosos cativos.

Velaí van unhas fotiños.

CONCERTO DE GÜINTERVAN VER PRESENTACIÓN DESCARGAR TODO

Entre outras pezas, puidemos gozar das incluídas na curta: “Palabras a voar” e “Amar de leite”, do seu anterior traballo Mundo Loco.

En abril presentaron o seu último disco “Psicopano”.

Unha aperta moi forte para eles, e moitas grazas polo agasallo.

Saúdos a todos. Lémonos,

LEO

NÓS TAMÉN CREAMOS–A ESCALEIRA

Velaí vai a nosa proposta! Por fin, logo dun intenso traballo, xa temos rematada a nosa curta. O título escollido: “A Escaleira”, de Beatriz Montero e Raul Nieto Guridi.

Se tedes boa conexión activade o HD, que está subido con moita resolución!

A ESCALEIRA from CEIP A LAMA on Vimeo.

Agardamos que vos guste. Un saudiño.

Lémonos,

LEO

PD: Andade atentos, porque iremos contando algunha cousiña máis de como se foi desenvolvendo o traballo. A próxima entrega: Concerto de Güintervan! Grupo do pai do noso alumno Iker que nos prestaron a música.