![_DSC5279 _DSC5279](https://blogger.googleusercontent.com/img/b/R29vZ2xl/AVvXsEgeh6nAfJO-ak0KL1H0Dbsl3_Y8KSB4oA1DkqhJY2TQkjN8q9WsbsjhhTaq9c46pt1D6A8mqZ4FOe0D0_Xla2PEj_phM7-3sseq_nEbE6jc8cm_DwrRlpZ8oNS4ww90dZfWv1rOaKorSFDT/?imgmax=800)
A figura do voluntario amósase imprescindible no día a día da nosa biblioteca.
O alumnado de 5º e 6º que se quere comprometer co “Recanto” fórmase para este cometido, poñéndose ao seu servizo.
Axudan a mantela en orde, na procura de documentos a outros usuarios, no empréstito e na devolución, no coidado dos espazos, na animación á lectura, achegamento dos novos recursos como a robótica...
Desenvolven unha función de incalculable valor, xa que sen eles non sería posible facer moitas das cousas das que gozan tódolos usuarios da escola.
Por estes motivos, sempre quixemos premiar o seu esforzo e dende hai tempo apuntabamos a súa asistencia, implicación... para logo ter pequenas recompensas polo seu traballo: ser os primeiros en usar os libros electrónicos, coñecer a escritores e ilustradores, saídas especiais ou pequenos agasallos sorpresa!
Este ano o sistema que empregamos para controlar a súa asistencia é novidoso e está a dar moi bos resultados. Trátase dunha aplicación gratuíta chamada ClassDojo. Nela o alumnado pode compartir experiencias, creamos unha cultura positiva, damos voz aos membros... e mesmo creamos o noso “avatar” personalizado.
![_DSC5294 _DSC5294](https://blogger.googleusercontent.com/img/b/R29vZ2xl/AVvXsEiWPGt3n95koL0vpXWGrND1oDGY1uScW9wQoI42plAJXAhjIP4WwjqYusv3CpbPgSqaf7nLujIaZJ6NooffhC9lGdbJQH0Y2vpK9VKlp_dHA497uFxg7cyli53Fn6QSgp8qfpD11vgQHmGo/?imgmax=800)
Entre todos definimos que queríamos valorar positivamente: “axudar a outros usuarios”, “asistencia a formación de voluntarios”, “aportar unha gran idea”, “moi boa actitude”, “traballar duro aínda que non toque e traballar en equipo”. Tamén rexistramos cando necesitamos mellorar en algún aspecto como: “hoxe esqueciches o teu compromiso” ou “a túa actitude ten que mellorar”.
Temos outras ferramentas que nos achega ClassDojo ás que lle sacamos moito proveito como: o armador de grupos, temporizador de tarefas, creación de espazos de debate...
![_DSC5286 _DSC5286](https://blogger.googleusercontent.com/img/b/R29vZ2xl/AVvXsEiKburTXeJ-e6Jhv3hRLMKsTY9usuvAJb31DRGkpkqLRunlrSufUFWuxcyNiBrAS9m8kuKnZomXIRFq_kJ4uN84Ghz76gZTUfpVI3O83T2ccKVu-DvDBQEBCRh0jBT4-NZ1vQ9Y9GH58wSw/?imgmax=800)
![_DSC5282 _DSC5282](https://blogger.googleusercontent.com/img/b/R29vZ2xl/AVvXsEiqKzkecvw3R3ZO3HK4GntzRYMZNyPUdqx28AR0F2JiBy3BC0zsE8of9p1ednsA-wPjVDXfTSmL7irSLNHvU1KSmKp6qrsoHdHtUmOkgcHQR1tst6ITFA0nLTUP8_1_DyzLozzicGmjW1o7/?imgmax=800)
Un recurso moi atractivo e completo no que os nosos alumnos se autoevalúan e motivan nas súas funcións como Voluntarios!
Grazas rapaces polo voso esforzo.
Lémonos,
LEO