xoves, 16 de novembro de 2017

AS NOSAS SENLLEIRAS

SENLLEIRA

No día de hoxe inaugurouse na escola unha exposición sobre árbores senlleiras que estará con nós ate o día 1 de decembro.

Ademais do paneis explicativos poderedes ver as especies arboreas que se atopan polos corredores da escola.

A Deputación tróuxonos esta exposición que conta ademais cuns dosieres informativos para poder localizar estas árbores por toda a provincia.

Un saudíño, lémonos,
LEO

luns, 12 de xuño de 2017

FIN DE SEMANA DE CONCURSOS

Esta fin de semana tiveron lugar as entregas de premios do Festival Audiovisual Olloboi e o concurso de Espantallos organizado pola Asociación Cultural Río Barbeira.

O venres en Boiro, os rapaces da Lama quedaron finalistas coa curta “Roubo no galiñeiro”.

OLLOBOI2017

_DSC2510_DSC2499

Na nosa categoría, resultaron gañadores os compañeiros do CEIP Carballal, de Marín. Parabéns polo seu traballo e merecido premio.


Por outra banda, o sábado coñecéronse os galardoados no concurso de espantallos que un ano máis volveu a organizar a Asociación Cultural Río Barbeira.

ESPANTALLO1

ESPANTALLO2ESPANTALLO3

A Comunidade Educativa saíu premiada, neste caso a través da ANPA, que gañaron na modalidade en que participaban, e co espantallo elaborado polo alumnado de 5ºe 6º, que quedaron 2º na categoría de centros educativos.

Parabéns a todos polos resultados.

Un saudiño, lémonos,
LEO

sábado, 3 de xuño de 2017

ROUBO NO GALIÑEIRO

Presentámosvos unha das últimas creacións dos alumnos do CEIP A Lama: a curta realizada polos nenos e nenas de 1º e 2º de primaria, como colofón do PDI “Especies en equilibrio”.

ROUBO NO GALIÑEIRO from CEIP A LAMA on Vimeo.

Trátase dunha adaptación audiovisual do álbum ilustrado “Ladrón de Gallinas” de Beatrice Rodriguez.

Este traballo foi seleccionado finalista no festival audiovisual galego “Olloboi”. O próximo venres, 9 de xuño entrega de premios en Boiro.

Parabéns a todos, e aos demais participantes. Lémonos,
LEO

xoves, 23 de febreiro de 2017

O ALUMNADO DA LAMA SÚMASE AO MANNEQUIN CHALLENGE

Aí vos deixo dous vídeos elaborados polo alumnado de 5º e 6º coa mestra de inglés Araceli García, cos que se unen á moda do Mannequin Challenge.

Mannequin Challenge 5th grade. from Araceli García Fuentes on Vimeo.

Mannequin Challenge, 6th grade. from Araceli García Fuentes on Vimeo.

Xa estamos a preparar outras sorpresiñas, agardamos que vos gusten.

Un saudiño, lémonos,
LEO