martes, 31 de marzo de 2015

A CANCIÓN DE MANUEL

O 2 de abril é o Día Internacional de Concienciación sobre o Autismo.

Na nosa escola tivemos este curso o pracer de coñecer ao compañeiro, Seso Durán, do IES “As Barxas” que nos estivo axudando no noso Plan de Formación coa organización e desenvolvemento de proxectos audiovisuais na escola.

Seso e Olga (a súa muller) son pais de Manuel, un neno de 6 anos que ten autismo.

Da súa man ven este vídeo que vos presentamos. Emocionan as imaxes, emociona a música e emocionan as verbas...

Para máis información:

Alto alto como una montaña: https://www.facebook.com/AltoAltoComoUnaMontana?fref=ts

Saúdos, lémonos,
LEO

PD: Seso! Un pracer e unha sorte enorme toparnos contigo. Bicos a Manuel e a Olga.

xoves, 26 de marzo de 2015

SUPER PEPO E CLEMENTINA

Velaí vai unha segunda entrega do noso súper heroe favorito.

Super Pepo e Clementina from CEIP A LAMA on Vimeo.

Chega da man de María Luisa, delegada en Pontevedra da ONG “Mans Unidas”, coa que colaboramos este ano polo “Día Escolar pola non Violencia e a Paz”, e que está desenvolvendo un proxecto en Uganda para axudar a mellorar a economía familiar implantando a agricultura sostible.

Este segundo encontro tamén lles trouxo aos nosos cativos unha sorpresa moi especial. Os diplomas que lles foron outorgados pola súa colaboración: “A capa verde de Súper Pepo”.

Un saudiño, lémonos,
LEO

martes, 10 de marzo de 2015

8 DE MARZO - DÍA DA MULLER TRABALLADORA

_DSC6447

Este ano, para conmemorar o Día da Muller Traballadora tivemos un encontro moi especial con Gloria e Sara, dúas mulleres que se dedican: unha á agricultura ecolóxica e a outra á cociña, para a que emprega fundamentalmente alimentos orgánicos.

O noso primeiro obxectivo era coñecer algunha muller que traballara en algo relacionado co noso proxecto.

A tarde estivo chea de preguntas e curiosidades, que elas se foron encargando de desvelar pouco a pouco.

Resultou moi informativa, e especialmente relacionada coa temática do noso PDI deste curso: “Sementa ideas, recolle futuro”.

Os nosos cativos puideron aprender, entre outras cousas, cales son os requisitos para considerar unha agricultura como ecolóxica, que é un alimento transxénico, como se consigue protexer o cultivo sen o emprego de produtos químicos que á larga empobrecen a terra, que plantas axudan a outras plantas a medrar...

O eslogan que empregamos foi: “Que non che conten contos, defende os teus dereitos”.

_DSC6429

A ilustración de Sonja Wimmer é dun conto moi recomendable: “Historia dunha cucaracha”, escrita por Carmen Gil.

PRINCIPES

Quedamos moi agradecidos dun encontro tan proveitoso.

Dende aquí un saúdo para elas, lémonos,
LEO

mércores, 4 de marzo de 2015

PRESENTACIÓN DO CARTAZ TESOUROS BIOLÓXICOS DO RÍO GAFOS II

Onte foi presentado na nosa biblioteca o cartaz "Tesouros Biolóxicos do Río Gafos II", elaborado pola Asociación Vai Polo Río de Pontevedra.

A edición foi posible grazas á colaboración da comunidade educativa da Lama, que lles fixo entrega dos cartos recadados no IV Rastro Solidario que con motivo do Día Escolar da non violencia e da Paz organizáramos o 30 de xaneiro de 2014.

Esta segunda edición do cartaz ve a luz logo dun ano de traballo, e conta cunha nova selección de especies vexetais e animais que se poden atopar no Río Gafos dende o seu nacemento ata a desembocadura na ría de Pontevedra.

Os encargados da súa presentación foron os membros da asociación Gonzalo Sancho, Amancio Castro e Pablo Carro, que durante unha hora foron explicando a importancia biolóxica de cada unha das especies escollidas nesta ocasión. Durante o acto tamén puidemos contar coa presenza de Daniel Vidal, da Asociación Cultural Río Barbeira da Lama.

O Proxecto "Ríos e Praias en Boas Mans" de Voz Natura, foi o marco no que o alumnado do centro realizou unha investigación sobre o coidado destes ecosistemas e a colaboración con "Vai polo río" e a "Asociación Río Barbeira" de A Lama o xeito de pór na práctica esas aprendizaxes adquiridas.

Imprimir
_DSC6384 _DSC6419
_DSC6399 _DSC6404

Queremos agradecer a disponibilidade dos nosos convidados e a ilusión con que tomaron o proxecto e a nosa colaboración.

Un saúdo, lémonos,
LEO