luns, 7 de decembro de 2015

VISITAMOS O PARQUE BOTÁNICO DE OURENSE

O pasado 16 de novembro, aproveitando a saída a Ourense para o certame OUFF escola, comezamos a recollida de información para o desenvolvemento do novo PDI: “Protexe a vida, coida os nosos ecosistemas”.

Achegámonos ao Parque Botánico de Ourense. Un lugar aínda novo no tempo, pero no que nos acolleron con gran profesionalidade.

O lugar, denominado “Montealegre”, é un espazo natural emblemático da cidade pero que, como ben nos explicaron, sufriu na súa historia grandes agresións ambientais, tales como: explotacións minerais a ceo aberto, incendios forestais... o que provocou importantes impactos que aínda hoxe son visibles.

No ano 2008 o Concello, despois de estudar diferentes propostas, impulsa a creación deste Parque Botánico co fin de recuperar a riqueza ambiental da zona e fomentar a biodiversidade, mediante a creación dun espazo botánico de 112.000 m2 e outros 28.000 de reserva, que inclúe a plantación de 3.000 vexetais de diferentes especies, a construción dun centro de recepción e investigación, a creación dunha aula-auditorio...

 

Como as instalacións non están abertas ao público na súa totalidade, os rapaces fixeron, logo dunha pequena charla explicativa, un recorrido que nos levou pola representación de un ecosistema mediterráneo con gran variedade de especies, unha parada nun dos miradoiros máis altos da cidade, a visita ao invernadoiro con plantas carnívoras para rematar baixando ao carón dunha horta de plantas aromáticas.

 

Dende logo que as plantas carnívoras, os seus ecosistemas, a súa alimentación e adaptación ao medio... foron un dos lugares que máis preguntas provocou!

 

Lémonos,
LEO!

domingo, 6 de decembro de 2015

O CEIP “A LAMA” NO CULTURGAL 2015

Esta fin de semana celebrouse no Pazo da Cultura de Pontevedra a Feira Culturgal 2015.

CULTURGAL_LOGO

O CEIP “A Lama” puido contar coa representación dos mestres Cris e Rafa, que foron convidados a presentar a experiencia de creación audiovisual que se está a desenvolver na nosa escola cunha pequena charla titulada: “ESTRATEXIAS DE CREACIÓN AUDIOVISUAL NA ESCOLA DO SÉCULO XXI”, dirixida principalmente a profesorado de ensino non universitario.

       Fotos: Seso DuránDSC_9417

O relatorio estivo precedido dun Obradoiro de Creación Audiovisual desenvolvido polo profesor do IES “As Barxas”, de Moaña, Seso Durán.

No CEIP “A LAMA” sabemos do seu bo facer, xa que o curso pasado puidemos gozar coa súa presenza nas actividades que anualmente desenvolvemos no colexio, enmarcadas no Plan de Formación Permanente do Profesorado.

O universo creativo dos cativos da Lama fíxose presente a través das personaxes das curtas de animación: “Os Panchos”, “A Escaleira”, “A Vella Lulula”, “Ranilda”, “Monstruito”…

DSC_9419

Un saúdiño, lémonos,
LEO

martes, 17 de novembro de 2015

PREMIOS OUFF ESCOLA 2015

_DSC0443

No día de onte tivo lugar en Ourense a entrega de premios aos traballos finalistas, na VI edición do certame de cinema OUFF Escola 2015.

Esta convocatoria nace co obxectivo de impulsar o uso do idioma galego entre a mocidade, coñecer a visión desta sobre a súa contorna sociocultural e fomentar a creatividade audiovisual e máis o traballo en equipo nunha linguaxe atractiva para o alumnado, que contribúa a formar un espírito crítico. Este certame pretende, ademais, potenciar o uso das tecnoloxías da información e da comunicación nos centros de ensino, e crear un espazo de referencia para a mostra do audiovisual feito nas aulas.

Nesta sexta edición do certame participaron un total de 136 proxectos e máis de 2.300 rapaces, mostra dos bos resultados da promoción que procura o fomento da creación audiovisual na infancia e na adolescencia, e que ademais nos ilusiona a grandes e pequenos.

Este ano presentamos catro traballos: “Os superpoderes dos alimentos” en Educación Infantil, “Ecoclínica” de primeiro e segundo de primaria, “Da horta ao prato” de terceiro e cuarto de primaria e “Hortoconsellos” dos nenos de quinto e sexto de primaria.

_DSC0418

Fomos galardoados cun primer premio na categoría de infantil e primaria polo traballo de Educación Infantil “Os superpoderes dos alimentos”. O premio supón unha dotación económica de 600 euros, e sobre todo unha ledicia inmensa que viviron os nosos cativos, e que nos emocionou a todos!

_DSC0444 2

 

_DSC0442 _DSC0450 2
_DSC0457 2 _DSC0449 2

_DSC0430 _DSC0441 2 _DSC0465 2

Queremos trasladar a tódolos participantes e aos premiados os nosos parabéns polo traballos realizados, así como agradecer a organización a súa mención.

_DSC0431 _DSC0434
_DSC0428 _DSC0422 2
_DSC0434 2

_DSC0472

_DSC0421

_DSC0476

Parabéns rapaces!

E para os que non vistes a nosa curta… https://vimeo.com/128374250

Lémonos,
LEO.

mércores, 4 de novembro de 2015

DIA DAS BIBLIOTECAS ESCOLARES II

Continuando coas actividades desenvolvidas no Día das Bibliotecas Escolares, toca o turno de falar das Mochilas Viaxeiras.

_DSC9975 _DSC9980
_DSC9977 _DSC9979

Pola tarde xuntámonos na Biblioteca, porque o novo equipo de voluntarios tiña unha tarefa moi importante: explicar as normas e repartir as Mochilas Viaxeiras deste curso 2015/2016.

_DSC9998

Despois da boa experiencia do ano pasado, volvemos enviar ás casas daqueles que quixeron participar, os e-readers dos que dispoñemos, con lecturas en formato electrónico.

A verdade é que era algo que estaban demandando os nosos pícaros, que non paraban de preguntar cando ían saír as mochilas, e se había libros novos nos lectores.

Agora estou ansioso por poder ver os vosos traballiños nos cadernos de bitácora! Agardo que vos gusten os documentos que escolleron os profes.

Lémonos,
LEO

xoves, 29 de outubro de 2015

DÍA DAS BIBLIOTECAS ESCOLARES

Ola moz@s!

Xa facía tempo que non vos escribía. A verdade é con este ano con tantos cambios non dabamos sacado tempo para vos contar o que se coce por aquí.

Pero agora si!!! Para conmemorar o Día das Bibliotecas Escolares arrancamos con forza. Velaí vai un vídeo que fixeron os voluntarios deste ano.

QUE É UNHA BIBLIOTECA PARA TI 2015 from CEIP A LAMA on Vimeo.

Un saudiño, lémonos,
LEO

luns, 8 de xuño de 2015

GALA OLLOBOI 2015

Como xa vos dixeramos nunha entrada anterior, durante a gala de entrega dos premios Olloboi 2015 puidemos facer un amplo reportaxe. Velaí vai unha selección.

_DSC7452 _DSC7437
_DSC7458 _DSC7447
_DSC7417 _DSC7519
_DSC7402 _DSC7512

No seguinte enlace podes acceder á lista dos premiados: www.olloboi.com

Parabéns a todos polo esforzo, lémonos,
LEO

domingo, 7 de xuño de 2015

HORTOCONSELLO 2

Hoxe vos deixamos a segunda entrega dos Hortoconsellos, produción do alumnado de 3º ciclo, xunto coas mestras Ana Isabel Loureiro e Raquel Sánchez.

Agardamos que vos guste, lémonos,
LEO

luns, 1 de xuño de 2015

PREMIOS OLLOBOI 2015

Esta vez non houbo sorte, pero quedámonos co regusto dunha gala impresionante e divertida.

olloboi_diplo

Eiquí vos queda o diploma que nos acredita como finalistas nas categorías Animado e Zamburrioi.

Moitas grazas á asociación Marearte polo traballo. Parabéns aos premiados.

Lémonos, LEO


PD: Xa nos gustaría facer una entrada más xeitosa, e temos moitas fotos da gala, pero andamos a esperar a que os de Microsoft se poñan de acordo cos de Blogger. Andan á greña e non podemos publicar dende o Writer!

venres, 29 de maio de 2015

NOMINACIÓNS PREMIOS OLLOBOI 2015

Este sábado 30 de maio entréganse os premios do Festival Audiovisual Galego “Olloboi 2015”, na gala que conducirán os actores: Federico Pérez e Xosé A. Touriñán, e coa colaboración musical do alumnado do CPI de Dodro.
 
olloboi_promo
 
O CEIP “A LAMA” está nominado en dúas categorías pola curta de animación “Ranilda”.
 
olloboi_animado
olloboi_animado
Olloboi Animado: Animacións, Stop Motion, Time Lapse, etc. Olloboi Zamburrioi: premio especial concedido pola Asociación Marearte.

 
 A ver si hai sorte!!! Parabéns aos demais nominados.

Daremos conta do desenlace na noitiña do sábado. Lémonos,
LEO


xoves, 21 de maio de 2015

CHEGAN OS SUPERPODERES DOS ALIMENTOS!!!

Durante a fase de procura e tratamento da información, o alumnado de Educación Infantil elaborou unha curta de animación en Stop Motion na que eles mesmos interpretaban ás personaxes creadas.

Investigando entre as verduras, legumes e froitas, e agrupándoas por cores, descubriron a antocianina, o betacaroteno, a alicina, o licopeno e a luteína.

OS SUPERPODERES DOS ALIMENTOS from Leo de A Lama on Vimeo.

As mestras Cristina Campos e Tania Rivas, xunto co mestre Rafa Sánchez-Agustino, firman esta creación audiovisual.

Agardamos que vos guste, lémonos,
LEO

mércores, 20 de maio de 2015

TERCEIRA ENTREGA DAS PRESENTACIÓNS DO PDI

Desta volta o alumnado de 2º ciclo de primaria presenta o vídeo que elaboraron coas mestras: Andrea Lafuente, Marta Couso, Luisa Cancelas e Mónica Fernández.

Co título “Da semente ao prato” fai un percorrido polo traballo realizado durante meses por estes rapaces no desenvolvemento do seu PDI.

DA SEMENTE AO PRATO from CEIP A LAMA on Vimeo.

Agardamos que vos guste.

Un saúdo, lémonos,
LEO

xoves, 14 de maio de 2015

SEGUINDO AS PEGADAS DE… FILGUEIRA VALVERDE

Hoxe fixemos un alto no camiño deixando aparcadas temporalmente as presentacións do PDI, para poder dedicar o día a seguir as pegadas de D. Xosé Fernando Filgueira Valverde.

_DSC0350

Como ben sabedes este ano dedícaselle o “Día das Letras Galegas”, e nós, que o tiñamos tan pretiño da Lama, non quixemos deixar pasar a oportunidade de nos achegar dun xeito especial á vida e obra de tan ilustre personalidade da cultura galega.

A xornada comezou no Museo de Pontevedra, unha de tantas iniciativas intelectuais do “Vello Profesor”, como así se lle coñece no ámbito cultural de Galicia, e ao tempo das máis importantes. Sabela Santos Filgueira, que ademais de membro do Gabinete Didáctico do museo, é neta de D. Xosé, foi a encargada de nos recibir e contarnos moitas curiosidades do seu avó.

_DSC0321 _DSC0325
_DSC7325 _DSC7331

De alí, logo de visitar a exposición “Un faro na construción de Galicia”, fixemos un roteiro por Pontevedra que nos levou a visitar a casa onde naceu e viviu toda a súa vida, a Basílica de Santa María, a Casa do Concello de Pontevedra, as Ruínas de San Domingos e o Instituto de Pontevedra, por seren todas estas localizacións indispensables para un achegamento á figura de Filgueira Valverde.

Para rematar, puidemos escoitar a testemuña de Rafael Sánchez-Agustino, pai do noso profe Rafa, que foi alumno e profesor no instituto de Pontevedra cando o dirixía por D. Xosé Filgueira. A través de fotos, descricións e anécdotas puidemos completar un pouco mellor o perfil da súa persoa, no mesmo salón de actos que tantas, e tantas veces pisou o autor homenaxeado.

_DSC7314 _DSC0363
_DSC7337 _DSC0351

Só nos queda agradecer a Sabela, Paula e Laura do museo, e a Rafael a xornada e o cariño que lle dedicaron aos nosos cativos.

Un saúdo, lémonos,
LEO