martes, 4 de febreiro de 2014

VAI POLO RÍO! [Unha iniciativa solidaria coa nosa contorna]

Ola a tod@s!

O pasado 30 de xaneiro festexamos o Día Escolar pola Paz e a non Violencia. Seguindo a liña dos últimos anos, o noso alumnado traballou arredor dunha iniciativa solidaria relacionada coa temática do Proxecto Documental Integrado, e neste curso: “Ríos e Praias en boas mans”.

_DSC7791

_DSC8765

Unha das actividades programadas foi o encontro cos membros da asociación ecoloxista pontevedresa “Vai polo río”, para que nos contaran cal é o seu labor, como comezaron, que foron atopando no río dos Gafos…

_DSC7793

_DSC8782

Durante o encontro, Pablo Carro, Amancio Castro e Ramón Laxe, foron descubrindo os tesouros biolóxicos que son a parte máis fermosa do seu traballo, aínda que tamén puideron comentar que cousas curiosas, ao tempo que sucias, foron descubrindo neste leito que con tanto mimo limpan.

_DSC8760

_DSC7800

Como sorpresa, descubríusenos que este cartaz, “Tesouros Biolóxicos do Río Gafos”, terá unha segunda parte, sufragada cos cartos recadados polos nenos e nenas do CEIP “A Lama” . Ademais, adiantáronnos que a “presentación mundial” terá lugar na nosa escola en canto estea listo.

Unha delicia de visita que agardamos lles valera aos nosos cativos para por en valor todo aquilo que lles rodea, porque na Lama tamén temos uns ríos ben fermosos e importantes.

Un saúdo, lémonos,
LEO

Ningún comentario :