BO NADAL!

Lémonos… tamén en Nadal!

LEO

ANTES DE MARCHAR… UNHA DE MOCHILAS VIAXEIRAS!

Estas son as últimas aportacións nos cadernos de bitácora.

Familia Carrera Cortizo (4º Infantil)

Familia Muíños Cendón (5º Infantil)

Familia Ventín Fortes (1º Primaria)

Familia Gavian Hidalgo (2º Primaria)

Familia Pacheco González (3º Primaria)

Familia López Valasco (4º Primaria)

Familia Peón Barreiro (5º Primaria)

Lémonos.

LEO

MOCHILAS VIAXEIRAS

Ufff… xa me esquecía de amosarvos os cadernos de bitácora das mochilas.

Claro, e que con tanta neve… non me atrevía a saír de entre os libros por si se me conxelaban os bigotes.

Pero non vos preocupedes que aí van!

Familia Cioni (4º Infantil)

Familia  Paulo Suarez (5º Infantil)

Familia Joao Sangiao (1º Primaria)

Familia Álvarez Vilariño (2º Primaria)

Familia Pérez Amorín (3º Primaria)

Familia Casal Ramallo (4º Primaria)

Familia Vidal Vidal (5º Primaria)

Familia Cal Alvariño (6º Primaria)

Deica pronto!

Lémonos.

LEO

OS PRIMEIROS DOCUMENTOS PARA O PUNTO DE INTERCAMBIO!!

Xa chegaron os primeiros documentos para o punto de intercambio, agora poderedes velos na biblioteca e tamén no Blog.

Pouco a pouco irán chegando máis e máis, e ireinos engadindo nesta entrada; así poderedes ver as novidades, e do mesmo xeito, se un neno se leva algún libro, desaparecerá da galería.

 

Punto de intercambio VER PRESENTACIÓN DESCARGAR TODO

Non esquezades que esta é unha actividade para todo o curso!

Un saludiño. Lémonos.

LEO

CADERNOS DE BITÁCORA E ALGO MÁIS…

Xa queda pouco para que algunhas clases rematen o seu ciclo das Mochilas Viaxeiras, pero non hai de que preocuparse, xa teño preparados os novos paquetes de libros, e… xa me contaredes se vos gustan.

Agora vexamos os vosos Cadernos de Bitácora e algo máis…

Familia Fernández Carbalho (4º Infantil)

Familia Gandarela Ramilo(5º Infantil)

Familia Portela Carballal(6º Infantil)

Familia Perdiz Barros (1ºPrimaria)

Familia Fernández Göbel (2ºPrimaria)

Familia Canda Barreiro (3ºPrimaria)

Familia Francisco Cal (4ºPrimaria)

Familia Boullosa Herrera (5ºPrimaria)

Familia Costal Silvoso(6ºPrimaria)

Son xeniales!

Un saúdo. Lémonos.

LEO

PUNTO DE INTERCAMBIO DE DOCUMENTOS

Xa tiña eu gañas de presentarvos esta actividade que andaba pola miña cabeciña dende principios de curso. Por fin teño todo preparado!

A partir de agora na biblioteca do cole atoparedes un novo recanto ao que chamaremos “Punto de Intercambio de Documentos”

Para levar a cabo esta actividade é precisa a colaboración dos papás ademais dos “profes” da biblioteca. Escoitade ben:

- EN QUE CONSISTE? Tratase de intercambiar con outros nenos os documentos que xa temos usados e que queremos trocar por outros.

- QUE ENTENDEMOS POR DOCUMENTOS? Libros de consulta, libros de narrativa, poesía, teatro, cómic… música, películas, revistas, xogos…

- COMO PODO CAMBIAR DOCUMENTOS? Cando teñades un documento que queirades intercambiar, antes de nada teredes que pedirlle permiso a papá e mamá para traelo da casa. Logo vindes á biblioteca con el e o mestre encargado (despois de mirar que non estea moi derramado) váivolo cambiar por un “Vale-Leo”.

O “Vale-Leo” ten moito valor, xa que só o terán os nenos que aporten algo ao caixón de intercambio. Ademais de ser un exclusivo marca páxinas é un vale para cambiar, se así o queren os nenos, por outro documento. Ademais non caduca nunca, polo que podedes ter o “Vale-Leo” ata que atopedes un libro que vos interese no caixón.

- VALE CALQUEIRA DOCUMENTO? Non. Teñen que estar en boas condicións. Non poden ser novos, porque xa os usastes antes de traelos, pero si que teñen que estar coidados e servir para outros nenos.

- QUE TEÑO QUE FACER PARA PODER COLLER UN DOCUMENTO DO PUNTO DE INTERCAMBIO? Só debes ter un “Vale-Leo” que conseguirás se antes deixaches algo no caixón de intercambio.

- PODO RECUPERAR OS MEUS DOCUMENTOS DESPOIS? Non. Se un libro é depositado no caixón de intercambio deixa de ser voso para ser doutra persoa que o queira. Así vós tamén poderedes coller outro libro e pasará a ser voso.

- TEÑO QUE DEVOLVER OS DOCUMENTOS QUE COLLO? Non. Os documentos que se collen do punto de intercambio non se devolven xa que pasan a ser do neno que o colla. Poderedes volvelos intercambiar máis adiante.

- COMO SEI OS DOCUMENTOS QUE HAI PARA INTERCAMBIAR? Estarán á vista de todos na biblioteca pero ademais iremos colgando no Blog as novidades que vaian chegando, só tes que buscar o logo.

- CANTOS DOCUMENTOS PODO TRAER PARA INTERCAMBIAR? Podes traer cantos queiras e conseguirás un “Vale-Leo” por cada un que traias. Recorda que debes pedirlle permiso a papá e mamá antes de traelo ao cole!

- HAI UNHA DATA MÁXIMA PARA PARTICIPAR? Non, esta actividade durará todo o ano, así que podes coller ou traer un documento ao longo de todo o curso.

Eu creo que vai ser moi divertido poder intercambiar todo isto, seguro que descubrides moitas cousas novas da man dos vosos compañeiros.

Se tedes algunha dúbida acudide ao voso mestre ou pola biblioteca, seguro que vos poden axudar.

Recordade buscar o logo no noso Blog e… animádevos a participar!

Lémonos.

LEO

MOCHILAS VIAXEIRAS

Aínda que con un pouco de retraso… estos son os Cadernos de Bitácora!

Familia Estevez Moreira (4º Infantil)

Familia Doallo Alondo (5º Infantil)

Familia Cioni (6º Infantil)

Familia Iglesias Barreiro (1ºPrimaria)

Familia Gabian Delgado (2º Primaria)

Familia Muíños Pacheco (3º Primaria)

Familia Perdiz Barros (4º Primaria)

Familia Rey Fernández (5º Primaria)

Familia Costal Silvoso (6º Primaria)

Seguide así familias!

Lémonos. LEO

FESTEXAMOS O SAMAÍN E O MAGOSTO (2ª parte)

Velaí van máis fotos desta festa. Nesta segunda entrega vos amosamos os xogos que puidemos gozar no pavillón do cole.

Que ben o pasamos!

Xogos no Pavillón VER PRESENTACIÓN DESCARGAR TODO

FESTEXAMOS O SAMAÍN E O MAGOSTO (1ª Parte)

Onte tivemos un día moi especial no cole, pois os mestres nos organizaron as festas do Magosto e o Samaín. (Como hai moitas fotos imos dividilas en dúas entradas)

Pola mañá, os nenos de 5º e 6º actuaron para nós, xusto antes de que se coñeceran os gañadores dos concursos de “Cabazas” e “Cestas de Outono”.

As gañadoras do concurso de cestas foron:

1º Alba de Cuarto de Primaria

2º Vanessa, de Cuarto de Primaria

3º Rosa, de Cuarto de Infantil

Os gañadores do concurso de cabazas foron:

1º Iago, de Segundo de Primaria

2º Marcela, de Terceiro de Primaria

3º Andrea, de Terceiro de Primaria

A continuación vos deixo unha galería cos “diplomados” e algunha foto máis das actuacións.

Samaín VER PRESENTACIÓN DESCARGAR TODO

Un saudiño lector a todos. Quedades convidados á seguinte entrada.

Lémonos,

LEO

OTRA DE MOCHILAS VIAXEIRAS!

Ohhh… que bonitas están a quedar as vosas aportacións para a mochila viaxeira!

Mirade, mirade… Comezamos cos pequechos!

Familia Cal Gómez (4º Infantil)

Familia Peón Barreiro (5º Infantil)

Familia Blasi Moledo (6º Infantil)

Familia Cal Amorín (1º Primaria)

Familia Bugallo Martínez (2º Primaria)

Familia Amorín Martín (4º Primaria)

Familia Fernández Pazos (5º Primaria)

Familia Piñeiro Gregorio (6º Primaria)

A que merece a pena o esforzo!

Un saúdo. Lémonos.

LEO