venres, 23 de marzo de 2012

DÍA DA MULLER TRABALLADORA DENDE OS OLLOS MÁIS CATIVOS

O 8 de marzo festexamos no centro o Día da Muller Traballadora: reflexións, debuxos, coloquios… para os maiores, e para os nenos de infantil e 1º ciclo unha tarde ben distinta, como non na biblioteca!

Os cativos de 3 anos retáronnos a ver se adiviñabamos os oficios deixándonos ben clariño que tanto son para homes coma para mulleres.

Seguiron os de 5º de Infantil que aprenderon poemiñas que comezaban por: “Se a miña nai fora…”

E un pouquiño de música que non falte! Os alumnos de 6º de Infantil chegaron a ritmo de rap para amosar a súa forma de ver un mundo baixo a igualdade.

Quedaban por actuar os nenos de 1º ciclo que representaron unha obra á que titularon “Que fai mamá antes de durmir?”

Ben cousiñas aprendín!

Lémonos. LEO.

martes, 20 de marzo de 2012

UN DÍA DE… TEATRO!

_DSC6459

Os nenos de 1º ciclo de Primaria foron a Pontevedra a ver “A pantasma do palco” e aínda que parececía ser de medo… máis ben, o pasaron de medo!

Xa escoitei polos corredores que esta semana os maiores de 2º e 3º ciclo irán a ver… ummm… mellor que nolo conten eles cando volvan!

Lémonos. LEO.

venres, 16 de marzo de 2012

ESE ENTROIDO, ESE ENTROIDIÑO… (3º PARTE)

E por fin, a última parte que amosar do Entroido xa está lista!

Como sabedes, a tarde daquel día, fixemos un baile no que non se pode pasar se non estás disfrazado.

Aquí vos deixo os mellores momentos, con sorpresa de mestres incluida!

Que ben o pasamos!

Lémonos. LEO.

martes, 13 de marzo de 2012

ESE ENTROIDO, ESE ENTROIDIÑO… (2º PARTE)

Quedan cousiñas que contar ao redor do Entroido!

Hoxe preparei para vós unha entrada ben doce, xa que no cole, coma vimos facendo estes últimos anos, fixemos unha exposición e degustación de postres tradicionais de Entroido.

_DSC4747   _DSC4748

Moitas familias trouxeron unha proba xunto coa receita dun doce que soen facer nesta festividade.

       _DSC5004

Unha actividade en familia na que os cativos poden aprender moito.

E coma manda a tradición, os servidores de tan riquísimos postres son: as mestras novas no cole!, que con moito humor fixéronolo pasar ben a todos, e senón mirade!

E aínda me queda algo máis para amosar deste día, andade atentos!

Larpeiros saúdos...

Lémonos. LEO.

luns, 12 de marzo de 2012

FORMACIÓN DE USUARIOS… PARA DOCENTES! (CUARTA SESIÓN)

Non podemos formar se non estamos formados!

Un mes máis os mestres do cole reuníronse na Biblioteca para traballar. Nesta ocasión ao redor da CDU e a organización dos fondos no noso “Recanto”.

Esto foi o que viron!

 

Unha ledicia poder velos a todos por aquí!

Deica pronto e… lémonos.

LEO

CADERNOS DE BITÁCORA!

Para comezar ben a semana e gozar un pouquiño vendo os vosos propios traballos.

Lémonos. LEO.

mércores, 7 de marzo de 2012

PARECE QUE CHEGA A PRIMAVERA…!

Estes días, nos que andamos enfrascados na investigación sobre os bosques (o noso PDI deste ano), decatámonos mentres observabamos as árbores do xardín do cole, de que xa estaba con nós a Primavera.

Hai dous anos os nosos alumnos elaboraron un conto viaxeiro e o curso pasado os voluntarios da biblioteca encargáronse de gravalo para a súa versión dixital interactiva.

Premede na imaxe e esperade a que o cargue (dependerá un pouco da vosa conexión a internet).

a_primavera

Espero que vos guste.

Un saúdo. Lémonos,

LEO

martes, 6 de marzo de 2012

CADERNOS DE BITÁCORA!

Novidades ao redor das Mochilas Viaxeiras: agora hai máis!

Seica ninguén quere perder a oportunidade de levar a Mochila canto antes para disfrutar na casa, por iso algunhas clases (as máis numerosas) teñen agora dúas.

Unha moi boa noticia, non si?

Lémonos. LEO.

luns, 5 de marzo de 2012

ESE ENTROIDO, ESE ENTROIDIÑO… (1º PARTE)

Foi só un día pero de gran intensidade!

Comezamos a xornada cos traxes que tanto traballiño nos levou facer no cole. Como vos daredes conta todos eles están relacionados co noso PDI “O bosque”; mouchos, esquíos, árbores e cogumelos!

_DSC4949

E claro, había que lucilos, un pasarúas por “A Lama” foi un bo xeito. Mirade que guapos!

Pronto veredes máis de como foi ese día!

Deica pronto rapaces.

Lémonos. LEO.