Gotiña volveu de novo xunto os máis pequenos para que seguiran aprendendo a cerca da auga e os seus estados.
Como xa vos contei, todo comeza na nosa biblioteca onde vimos un agasallo en forma de presentación que nos deixou a nosa amiga.
Seguindo as súas indicacións, fomos a ver como quedara o xeo que fixeramos na anterior sesión de experimentos. A auga estaba conxelada coas nosas larpeiradas! ummm… que ricas estaban!
Probamos o xeo
1º Quitamos os recipientes do conxelador e observamos como o xeo colleu as diferentes formas, aínda que as cores case desapareceran!
2º Puidemos tocar o fríos xeos, quedaban pegados nas mans!
3º A mellor parte de todas… probamos as larpeiradas, e aínda que estaban algo duras non quedou nin unha!
Logo, un pouco arrefriados polo xeo, comezamos a experimentar coa auga en estado gasoso:
Frío, morno ou quente?
1º As nosas mestras trouxeron a aula cuncas con diferentes temperaturas e puidemos, con moito ollo, tocar e experimentar as diferenzas. Pronto nos demos contas que o vapor de auga só saía da cunca máis quentiña!
Facemos gotiñas co vapor
1º Tapando as cuncas máis quentes cun acetato incoloro, vimos claramente como a condensación do vapor formaba pequenas marcas. Ao arrefriar, como por arte de maxia, volvían ao seu estado líquido con forma de gotiñas.
Creamos nubes!
1º Precisamos un espello, e como non, unhas cuncas con auga ben quente.
2º Tapamos as cuncas co espello ata que contamos ata 10 e… conseguimos “nubes redondas”.
3º Xogamos a facer con elas diferentes formas, pero tiñamos que debuxar rápido antes de que desapareceran.
4º Ao final, cunha gran cantidade de cuncas fixemos unha gran nube.
Aínda nos quedou un ratiño para comezar a facer o mural dos estados da auga!
Ata o próximos mércores que veremos algo máis.
Lémonos. LEO.
Ningún comentario:
Publicar un comentario