Todo o alumnado, dividido en cinco grupos de idades misturadas, colleu o mapa da súa ruta para comezar o camiño cara os contos que tiñamos preparados.
Os voluntarios estaban en diferentes recunchos do cole esperando para sorprendernos a todos.
 |  |  |
 |  |
As historias comezaban de xeito simultáneo, e cando remataban todas, iamos a un novo recuncho. Así fomos pasando polos cinco títulos que os nosos contacontos elixiron.
| |
 |  |  |
 |  |  |
Unha Hora de Ler compartida entre grandes e maiores!
Lémonos,
LEO.
Polo recente Día do Libro, os voluntarios da biblioteca escolleron cinco títulos de entre todos os documentos que temos, para contarlles ao resto do cole na actividade: “Cóntoche un conto”.
Hoxe son eles os que vos queren recomendar estes contos... tomade nota!
| |
O PAÍS DOS MANDÓNS (EMBORA) “Un libro que fala da igualdade, da constitución, dos dereitos de todo!” Andoni, Daniel, David e Giordana
|
|
PÉTALA (OQO) “Este libro é doado de interpretar pero tamén é moi entretido para escoitar” Cristina, Noé, Juan e Óscar
| |
| |
ROBERTO DÍ QUE… (KALANDRAKA) “É moi divertido e ten moi boas ilustracións, de seguro que rirás un montón!” Elías, Lara, Adriana e Diego |
|
UNHA EIRUGA MOI LARPEIRA (KÓKINOS) “Polas súas ilustracións! Porque aprenderás todo sobre a vida das eirugas. E tamén o podes ler en inglés!!!” Carlota, Paula, Óscar e Carlos | |
| |
DIEZ PATITOS DE GOMA (KÓKINOS) “O noso libro é moi interesante porque ademais de que os patiños viven unha gran aventura hai moitos outros animais” Jose, Javier, Paola e Alberto |
Logo da elección tocou traballar arreo durante catro semanas, nas que eles mesmos elaboraron os seus guións, os monicreques, as escenografías... esperando a que chegara o gran día no que eles mesmos dirán... “Cóntoche un conto?”
Pero iso verédelo pronto!
Lémonos,
LEO
 |
Cámbiocho por un conto, ou como nesta ocasión, por un micropoema; a arte de conmover con poucas palabras!
Nesta xornada de festa, moitos foron os que achegaron as súas propias creacións en moi diferentes formatos, que nos foron lendo para todo o cole.
 |  |  |
 |
As nosas ben queridas familias traballaron arreo un ano máis, para non deixar de sorprendernos. E claro... non podía deixar pasar a ocasión para achegarlles un pequeno agasallo!
 |
Xa sabedes que podedes vir pola biblio para ler con calma os traballos de todos. Alí vos espero!
 |  |  |
Lémonos,
LEO
Vos deixamos a versión online do CEIBE 2015, que aínda non puideramos subir á rede. Non deixedes de seguir os enlaces que conten.
Un saudiño, lémonos,
LEO
Como xa vos viñeramos contando, este ano quixemos celebrar o Día Internacional da Muller con dúas persoas moi especiais.
Ángela Abad e Bea a de Estrella compartiron connosco uns momentos preciosos, de experiencias e encontro cos nosos cativos. Momentos de solidariedade e de expresión a través da música...
Como grandes profesionais que son nos seus campos: a logopedia e a imaxe e o son respectivamente, puideron facer visible para o alumnado unha vez máis que non existen profesións de mulleres e de homes, e como lles recalcou Bea, "non deben de deixar de soñar" e traballar moito para que este soño se cumpra.
O mini-concerto na biblioteca foi moi entrañable, e todos, rapaces e maiores, gozamos de momentos moi intensos e emocionantes.
A tarde rematou coa firma de autógrafos, dos que quedaron moitos pendentes pola falta de tempo. Bea prometeu algunha sorpresa que anda a argallar e que poderemos ver moi pronto.
Un inmenso pracer poder compartilo con vós, lémonos,
LEO
Fai xa quince días que dende a biblioteca saíron unhas cartas moi especiais cuxos destinatarios eran os Consulados de diferentes países con sede en Galicia.
Os rapaces elaboraron estas cartas nas clases na procura da súa colaboración; para confeccionar un quiosco chamado: “AS PRENSAS DO MUNDO”, onde toda a comunidade educativa puidera ver como é a prensa e os noticiarios que existen impresos hoxe en día noutros lugares, os idiomas nos que se escriben, curiosidades do seu formato, cultura...
Foron moitos os que nos escribiron dando resposta a nosa solicitude ou ben chamando por teléfono, pero non nos deron boas novas, xa que nos explicaron que hoxe en día case non lle chega prensa impresa e que a pesar de querer participar e colaborar con nós, non dispoñían de exemplares para enviarnos.
Grazas ao Consulado Honorífico de Grecia, Bélxica, Polonia, Francia... pola vosa colaboración dentro das vosas posibilidades, grazas polo voso tempo e esforzo!
Hoxe, para dar comezo á actividade, fomos abrindo algunhas das cartas que chegaron, e nesta semana abriremos o noso quiosco.
 | | |
Lémonos,
LEO
Xa se aproxima a conmemoración do Día da Muller Traballadora, 8 de marzo.
Este ano imos contar coa presenza de Bea a de Estrella e Ángela Abad. O obxectivo deste encontro é continuar visibilizando o traballo de tantas excelentes profesionais que nos demostran que non existen oficios de homes e de mulleres, senón persoas que se desenvolven no seu.
Bea é técnica de imaxe e son e traballa no Consello da Cultura de Galicia, e Ángela atende o seu propio gabinete logopédico.
Baixo o selo da Produtora BeArt acaban de editar o disco, "Mar de fóra", co que Bea se estrea en solitario como cantautora e Ángela na produción executiva.
A súa conciencia solidaria levounas a colaborar coa asociación Agaefa, de afectados de acondroplasia e familiares, doando unha porcentaxe do prezo do disco á mesma.
O noso alumnado leva un tempo coñecendo o seu traballo e está impaciente por poder compartir con elas unha tarde.
Agardamos que vos gustara a canción que presentamos na anterior entrada do blog, lémonos,
LEO
