luns, 27 de maio de 2013

A ESCALEIRA - UNHA TARDE CON GÜINTERVAN…

Unha das particularidades das nosas curtas (“A Vella Lulula” e “A Escaleira”) é que a música da banda sonora procurámola entre os membros da nosa comunidade educativa.

Se o ano pasado fora Maktúbikan, este ano a música ven da man de Güintervan, xa que Isaac, un dos membros, é o pai de Iker, alumno do noso cole.

Os seus compoñentes son:

_DSC3890 _DSC3864
Isaac Gulín
   
_DSC3873 _DSC6501
Harry Roi Alexandre

Para a “Premier” oficial organizamos un concerto na escola que fixo as delicias dos nosos cativos.

_DSC3842

Velaí van unhas fotiños.

Entre outras pezas, puidemos gozar das incluídas na curta: “Palabras a voar” e “Amar de leite”, do seu anterior traballo Mundo Loco.

En abril presentaron o seu último disco “Psicopano”.

Unha aperta moi forte para eles, e moitas grazas polo agasallo.

Saúdos a todos. Lémonos,

LEO

mércores, 22 de maio de 2013

NÓS TAMÉN CREAMOS–A ESCALEIRA

Velaí vai a nosa proposta! Por fin, logo dun intenso traballo, xa temos rematada a nosa curta. O título escollido: “A Escaleira”, de Beatriz Montero e Raul Nieto Guridi.

Se tedes boa conexión activade o HD, que está subido con moita resolución!

A ESCALEIRA from CEIP A LAMA on Vimeo.

Agardamos que vos guste. Un saudiño.

Lémonos,

LEO

PD: Andade atentos, porque iremos contando algunha cousiña máis de como se foi desenvolvendo o traballo. A próxima entrega: Concerto de Güintervan! Grupo do pai do noso alumno Iker que nos prestaron a música.

luns, 6 de maio de 2013

ALÓ POLO DÍA DO LIBRO… CAMBIOCHO POLO UN CONTO!

Xa é un clásico deste día rematar a xornada con esta actividade.

Pola tarde, todos xuntos no noso “Recanto”, para cambiar un conto, unha ilustración, un trabalinguas… feito na casa, por unha sorpresa!

cartel

_DSC2808   _DSC2804

Nesta ocasión aínda houbo máis creacións que nunca; foi todo un éxito grazas a implicación das familias!

_DSC2962   _DSC0206

_DSC2964

_DSC0214   _DSC0218

Entre lectura e lectura… comezaban a verse os primeiros agasallos.

_DSC0245

 

Nas clases tamén houbo tempo para facer outros traballiños, como este marca páxinas “monstruoso” que fixeron os máis cativos do cole, ou pequenas obriñas de teatro feitas nas aulas, narración de contos-tolos…

_DSC0239 _DSC0236

Quédannos as gañas de que pronto volvamos a atoparnos na Biblioteca e… a ver que nos depara!

Lémonos!

LEO

mércores, 1 de maio de 2013

ENREDANDO VERSOS


Na xornada do día 2 de maio celebramos o encontro poético "Enredando versos" como remate a un ano de intenso traballo arredor da poesía.

O alumnado dos IESs e do CEIPs que formamos parte deste proxecto, reunirémonos no Pazo da Cultura de Sanxenxo a partir das 10.30 da mañá. 

Podedes seguir a xornada a través do nos o blog http://enredandoversos.blogspot.com.es, twitter e Facebook, que iremos actualizando en directo.