xoves, 13 de maio de 2010

UNHA DE USUARIOS...

Agora vos deixo unhas pouquiñas fotos duns visitantes moi ilustres que teño. Cando os vexo na "biblio" pasándoo tan ben cos libros, penso que só por iso todo o traballo paga a pena.

 
_DSC1359
Aquí os tendes despois de que lles explicaramos o funcionamento das novas mochilas de empréstito.

_DSC1337
- E que libro collo eu. Non me lembro de cal era o meu puntiño, o amarelo ou o azul...?

_DSC1352 
- Pois a min os que máis me gustan son os de piratas.

_DSC1355
- A nós esta granxa divírtenos moito, moito...

Quedan prometidas máis fotos e algunha que outra sorpresiña.

Un saúdo, lémonos,

LEO

martes, 11 de maio de 2010

REVISTA ESCOLAR CEIBE

Cando xa estamos a preparar dende o Equipos de Biblioteca e Normalización Lingüística o próximo número da nosa Revista Escolar "Ceibe", queremos que lle votedes unha ollada ao número do ano pasado.

 
Estade atentos ás novidades.
Lémonos,
LEO

venres, 7 de maio de 2010

UN RECOÑECEMENTO AO SEU LABOR...

Todos sabemos que unha parte moi importante do traballo da biblioteca resólveno os voluntarios. Esta entrada no blogue quere ser un xusto recoñecemento a estes mozos e mozas que queren á biblioteca tanto coma min.

Nas seguintes imaxes poderedes velos en "acción": axudando aos máis cativos, ordenando, programando e "fichando".

Estamos moi orgullosos deles, polo ben que o fan, polo empeño e as gañas que lle poñen, pola constancia, pola preocupación, pola ilusión que transmiten...

_DSC1303
Penso que sairon todos na foto!
De esquerda a dereita: Noelia, Mónica, Bárbara, Antía, Maika, Alex, Aischa, Alex G., Gabriel, Alex J., Saúl, Abel e Fani.

_DSC1306
Na biblioteca nunca falta qué facer. Dende ordenar os andeis ata pasar a aspiradora.

_DSC1309
Aquí os tendes organizando unha actividade da que esperamos que pronto teñades novas.

_DSC1416
Unha das cousas máis gratificantes é axudar aos máis pequenos a se mergullar no apaixoante mundo dos libros.

_DSC1944
Que quede constancia de que hoxe traballei, eh!

Pois iso, que todos valoremos moito o traballo que moitas persoas fan en prol da lectura e o coñecemento, coma un rexemento de formiguiñas que pouco a pouco van sacando este inxente traballo a diante.

Eu tereino moi en conta sempre. Lémonos,

LEO

martes, 4 de maio de 2010

DÍA DO LIBRO

_DSC1969

O día 23 de abril festexamos no cole o Día do Libro. Aquí vos deixo unhas fotiños da actividade que fixemos pola tarde.

_DSC2003

Escribín unha carta ás familias para que lles axudaran aos seus cativos cunha tarefa ben fermosa. A nosa intención era intercambiar unha creación literaria por un libro. Chegáronnos poesías, contos, ilustracións, adiviñas, chistes... moitísimos nenos traballaron arreo, porque ninguén quería quedar sen o seu agasallo.

_DSC2061

Os nenos de infantil foron dos máis participativos, e case ningún quedou coas mans valeiras. De seguro que todos tomaron nota para o vindeiro ano.

_DSC2083

Saidou, de infantil, fixo un conto sobre as súas orixes.

_DSC2105

Uxía amósanos o libro que escolleu a cambio do conto que escribiu: Unha tarde no parque.

_DSC2079

Aglaia díxonos o título da súa historia: A miña cadela Pauli

_DSC2097

Para rematar as nenas de 3º de primaria prepararon Alicia no país das marabillas.

_DSC2111

Velaquí están as nosas contacontos, acompañadas de dous voluntarios que as axudan.

Quero felicitar a tódolos nenos e nenas, e ás súas familias, por traballar tanto. Coido tamén que os que se esqueceron tomen nota para o vindeiro ano, xa que de seguro que volveremos repetir esta actividade que tanto gustou.

Deixade o voso comentario aquí e... lémonos.

LEO